محمد الشرنوبي: بعاني من نفس أزمة شيرين عبد الوهاب وبقالي 5 سنين في قضايا

تحدث الفنان محمد الشرنوبي عن أزمته مع المنتجة سارة الطباخ وكشف تفاصيل جديدة، موضحًا أن أزمته تتشابه مع أزمة الفنانة شيرين عبد الوهاب.

قال محمد الشرنوبي في فيديو نشره عبر حسابه الرسمي بموقع انستجرام: «بخصوص موضوع شيرين أنا مش فارق لي أى حاجة غير إني سمعت صوتك وأن إحنا كجمهورك مستمتعين بصوتك ويارب المشكلة اللي بينك وبين روتانا تخلص في أسرع وقت عشان نعرف نسمع صوتك بشكل طبيعي، وتاخدي حقك».

أزمة محمد الشرنوبي مع سارة الطباخ

وتابع: «أكتر حد في الفترة دى حاسس بشيرين أنا، لأن بقالي 5 سنين في قضايا ومشاكل مع سارة الطباخ في الشركة اللي كنت ماضي معها، ومن سنتين وكام شهر بالظبط طلع حكم بانتهاء عقدي، وطلعت الشركة تقول لأ، وأنا طلعت أقول آه، لحد ما طلع 3 أحكام تأكد إن العقد انتهى خلاص ومعنديش أي التزامات بأي شكل، وأكتر حاجة بتثبت أني بشتغل في التمثيل وماضي مع شركة من أهم شركات الوطن العربي وهي شركة مزيكا للمنتج محسن جابر».

واستكمل محمد الشرنوبي: «ودي شركة كبيرة وعندها شئون قانونية وبتراجع ورق اللى بيشتغل معاهم، فالناس دي اتأكدت أن كل حاجة انتهت وإني معنديش التزامات، لأي شركة تانية ومضينا مع بعض وابتدينا نشتغل، والمشكلة اللي بتواجهنا دلوقتي أن الأغاني بتفضل موجودة على كل المنصات، ولكن في ثغرة في يوتيوب مش عارفين نتعامل معاها».

محمد الشرنوبي

حذف أغاني محمد الشرنوبي

وقال أيضًا: «وهي لما بنزل فيديو على يوتيوب، بيتحجب واليوتيوب بيدي مهلة للي عمل طلب إلغاء الأغنية 10 أيام عشان يرفع قضية ولو رفع قضية بندخل في شهور وممكن سنة».

واختتم محمد الشرنوبي: «والثغرة دي هي استغلتها أول مرة في أغنية قلبي ارتاح واتكرر الموضوع في أغنية إيه اللذاذة دي وفي إنتي الحياة وكل الحاجات دي اتشالت ورجعت، ويوم الأربعاء هنزل أغنية جديدة».

 

View this post on Instagram

 

A post shared by محمد الشرنوبي (@sharnouby)