محمد القس: صدى البلد أول قناة مصرية أظهر معاها.. شكرا ليكم

محمود معروف 01 ابريل 2023 | 01:02 صباحاً

قال الممثل محمد القس إن دوري في تلت التلاتة باسم «أمجد» وهو إنسان «باراجمتي»، وتصوير المسلسل سنتهي آخر رمضان، وهو أول عمل لي في مصر برمضان، ولقائي مع قناة صدى البلد هو أول لقاء لي مع قناة مصرية تلفزيونية.

ولفت محمد القس خلال حوار له مع الإعلامية شيرين سليمان، ببرنامج «سبوت لايت» المذاع على قناة صدى البلد، عن عمله «تلت التلاتة» قائلا: دور أمجد رجل غلط غلطة في حياته، أجبر على تلك الغلطة وحاول تصحيحها بغلطة تانية، والظروف اللي هيمر بيها هتخليه معقد.

تصريحات محمد القس عن تلت التلاتة

وأشار القس إلى أن غادة عبد الرازق لا تختار أي عمل سهل، وتشوقت للعمل معها، وصدمت بكمية الإنسانية عند غادة غبد الرازق، وبتعلي اللي بيشتغل معاها، لما وقفت معاها في أول مشهد انبهرت ومتوقعتش اللي هيطلع منها.

ونوه محمد القس: هكتب فيها –غادة عبد الرازق- قصائد بعد انتهاء العمل، ودور غازي اللي اتعرفت بيه اتعرف بلزمات لم يتم الاتفاق عليها، ولما بنزل في الشارع كل اللي يقابلني ويقولي عاوز واحدة حبيبي، وموضوع عائلي فيه جزء ثالث منه.

وتابع الممثل محمد القس: لو ركزنا مع الجمهور هيقول إيه عن العمل مش هنشتغل؛ لأننا زي لاعيبة الكرة لو ركز مع المدرج مش هيلعب.