محمد رجب: بفكر في الجواز بس لسه ملقتش بنت الحلال

إسماعيل هاني 09 مايو 2023 | 08:07 صباحاً

تحدث الفنان محمد رجب عن موضوع انفصاله عن زوجته منذ 10 سنوات، كاشفا نيته في الزواج مجددا خلال الفترة القادمة بعد العثور على ابنة الحلال.

محمد رجب: انفصالي عن زوجتي مر عليه 10 سنوات

وقال محمد رجب، في تصريحات تلفزيونية: المهنة والمجال بتاعنا عالم افتراضي بياخدني فيه ويشغلني عن أي تفكير في موضوع الزواج بعد انفصالي من 10 سنين.

محمد رجب: بفكر في الجواز بس لسه ملقتش بنت الحلال

وتابع محمد رجب: عمري ما فكرت في الزواج مرة أخرى، وبحاول أفكر الفترة دي في الجواز بس لسه ملقتش بنت الحلال.

محمد رجب: من أقرب الناس لي كريم عبدالعزيز

وأضاف محمد رجب: أصحابي كتير ومن أقرب الناس لي كريم عبدالعزيز وهو إنسان عسل ونعرف بعض من سنين من أيام العجوزة وهو أخف دم في الدنيا وراجل وبيظهر في حياتي في المواقف الصعبة واللي ميعرفش كريم

يبقى خسران.

وفي تصريحات تليفزيونية، قال رجب: مشواري الفني مكنش سهل أبدا والموضوع صعب جدا وقليل لما تلاقي حد واقف معاك وبيساند بجد، وملقتش مساعدة ومساندة وتعبت في حياتي، ومفيش نجاح بييجي بالساهل وحلم بيتحقق ببساطة.

وأضاف محمد رجب : الونش قريب من قلبي جدا، وكان في البداية 15 حلقة فقط، وقعدنا على الورق وبقي 45 حلقة، وكنت بدور ازاي أقدم نفسي بشكل جديد وعلامة استفهام كان مسلسل سيكو دراما ومكنش قريب لقلبي ، واللي كان قريب من قلبي مسلسل الأخ الكبير جسدت فيه شخصية الاخ المصري في البيت عامل ازاي مع اخواته وضربة معلم عن بر الوالدين وعلاقتي بامي ووالدي ورحلة الصعود.