محمد رجب: والدي كان موظف بسيط في التليفزيون وعلمني الجدعنة

إسماعيل هاني 09 مايو 2023 | 02:28 صباحاً

قال الفنان محمد رجب، انه تعلم من والده الجدعنة والرجولة ، مؤكدا أنه كان رجل بسيط وموظفا بالتليفزيون وكان سببا في حبه لهذه المهنة.

محمد رجب: والدي كان موظف بسيط في التليفزيون

وتابع محمد رجب في تصريحات تليفزيونية: والدي كان ساندني وضهري هو ووالدتي الله يرحمهم، وكان موظف في التليفزيون وكنت بروح معاه وأنا صغير وعشقت المهنة دي من وأنا طفل بسببه.

واستكمل رجب حديثه: والدي كان راجل بسيط وفي حاله وكان بيشجعني، واتعلمت منه الرجولة والجدعنة وهو أنا، وفخور بيه جدا جدا.

محمد رجب يكشف دعوة والده التي لازمته في حياته

وأَضاف: كنت بصور فيلم الخلبوص ووقفته عشان كنا رايحيين الحج أنا وهو، ودعالي دعوة حلوة حطيتها في مسلسل ضربة معلم وكان ليها تأثير في حياتي وقالي (ربنا يرزقك مال ما يتعد وقصر في الجنة ما يتهد وكلمة لا ترد).

محمد رجب قال في تصريحات تليفزيونية: مشواري الفني مكنش سهل أبدا والموضوع صعب جدا وقليل لما تلاقي حد واقف معاك وبيساند بجد، وملقتش مساعدة ومساندة وتعبت في حياتي، ومفيش نجاح بييجي بالساهل وحلم بيتحقق ببساطة.

وأضاف: الونش قريب من قلبي جدا، وكان في البداية 15 حلقة فقط، وقعدنا على الورق وبقي 45 حلقة، وكنت بدور ازاي أقدم نفسي بشكل جديد وعلامة استفهام كان مسلسل سيكو دراما ومكنش قريب لقلبي ، واللي كان قريب من قلبي مسلسل الأخ الكبير جسدت فيه شخصية الاخ المصري في البيت عامل ازاي مع اخواته وضربة معلم عن بر الوالدين وعلاقتي بامي ووالدي ورحلة الصعود.