محمد رحيم يتراجع عن الاعتزال: بكيت بالدموع بسبب الرسائل

أعلن الملحن محمد رحيم تراجعه عن قرار الاعتزال، الذي أعلنه في شهر فبراير 2024.

كتب محمد رحيم في منشور عبر حسابه الرسمي بموقع انستجرام: «أنا مش هقولكم غير إني بكيت بالدموع من كتر الإحساس اللي في الرسائل اللي بعتوهالي وهتشوفوا ده بعنيكم».

محمد رحيم يتراجع عن الاعتزال

وتابع: «خلاص يا جماعة أنا هرجع تاني علشان خاطركم انتوا بس يا أعظم جمهور وعائلة في العالم وربنا ميحرمناش من بعض أبدًا وبشكركم جدًا على سؤالكم المستمر عني».

واختتم الفنان محمد رحيم: «أنا محظوظ بوجودكم في حياتي وآسف جدًا جدًا لو كنت زعلت أي حد وان شاء الله هرجع تاني بطاقة أكبر علشان أحاول أسعدكم بكل الطرق والأشكال ورمضان كريم».

محمد رحيم

حقيقة اعتزال محمد رحيم

وقال في فيديو نشره عبر حسابه الرسمي: «وحشتوني جدًا الفترة اللي فاتت وبسجل الفيديو مخصوص علشان أقولكم بحبكم أوي والرسائل اللي بعتوها لمست قلبي».

وأضاف محمد رحيم: «أنا عارف غالي عندكم لكن مش غالي أول كدة الرسائل لمستني جدًا وبشكركم على الدعم والحب بقالنا 26 سنة مع بعض وربنا يدينا العمر نعمل شغل أكتر والفترة اللي فاتت كنت معلق الشغل لأسباب إنتوا عارفينها.. لكن إديتوني طاقة إيجابية خلتني أرجع علشان خاطركم».

وكان قد أعلن الملحن محمد رحيم، عن تعليق كل نشاطه الفنّي إلى أجل غير مسمى، ملوحًا باعتزال الفن نهائيًا والسفر خارج البلاد، بعد تجاهل دعوته إلى حضور حفل «ليالي سعودية مصرية»،

وأوضح محمد رحيم، من خلال منشور عبر حسابه على موقع «فيسبوك»، قائلاً: «تعليق كل نشاطاتي الفنية لأجل غير مسمى حتى إشعار آخر، مع احتمالية اعتزال المهنة والسفر خارج البلاد».

كما أعرب الملحن محمد رحيم عن استيائه وحزنه الشديد؛ لعدم دعوته إلى حضور حفل «ليالي سعودية مصرية»، والذي أقيم في دار الأوبرا المصرية، بحضور عدد كبير من نجوم الفن، وخاصة الملحنين وصناع الأغنية في مصر والوطن العربي.

 

View this post on Instagram

 

A post shared by Mohamed Rahim (@mohamedrahimofficial)