محمد رمضان بتصريحات صادمة.. اعتراف وندم وحقائق يكشفها لأول مرة

محمد رمضان أثار ضجة واسعة وجدلًا كبيرًا بتصريحاته الأخيرة التلفزيونية التي اتسمت بالاعتراف والندم والجرأة في الكلام، ونستعرضها لكم خلال السطور التالية.

تصريحات محمد رمضان

• زعلان إني تسببت في شيء قاسي على الطيار الله يرحمه وبعترف إن أوقات لا نحسن إدارة الأزمة بشكل سليم.
• تفاجآت زيي زي الجمهور بهذا القرار القاسي بإيقاف موظف مدي الحياة عشان ممثل اتصور معاه في الكابينة.
• معرفش قانون الطيران وكنت أتمني القرار يكون أخف شوية.
• اللي زعلني إن الموضوع تم تقديمه من خلال الإعلام وأنا سبب في شيء صعب زي ده.
• حاولت بقدر الإمكان وكل الطرق إني أحل الموضوع قبل ما يبقى قضية رأي عام بس محصلش نصيب في الحل.
• الوفاة حصلت بعد ما كسب القضية بالفعل والقضاء أنصفه وبكل الرضا والتسامح دفعت المبلغ اللي حكمت بيه المحكمة.
• لو حد قالي أنا نمبر وان هزعل.
•  بعذر الجمهور برضه لما انتقدوا أغنية نمبر وان حطيت نفسي مكان الجمهور أو الزملاء وقلت لو صحيت ولقيت حد بيقول كده هزعل واتضايق طبعا.
• النهاردة عقلي أنضج ورؤيتي أشمل ومستحيل أعمل عبده موتة زي ما قدمته في 2012.
• بقول لـ 2022 اللي فات بلطي واللي جاي جمبري.

محمد رمضان في رأس السنة 2023

• دلوقتي بحتفل برأس السنة، زمان كنت بتفرج على اللي بيحتفلوا برأس السنة.
• كان فيه قصر في البحر الأعظم بيعملوا حفلات ونقعد أنا وصحابي بعيد نتفرج على اللي بيحتفلوا ونحس إننا قاعدين معاهم.
• زمان كان فيه شعور جميل، ودلوقتي شعور حلو، فالشعورين عظام جدًا، وإحنا راضيين بالاتنين.
• في الحقيقة مش بلبس كده والحفلات بتتطلب جزء من الشو ويبقى فيه بهرجة إنما في الحقيقة بلبس بسيط جدًّا، ولبسي شبه لبس كل الشباب.
• معايا إستايلست بيلبسوني في الحفلات ومعايا إستايلست نيجيري لما يكون عندي حفلة في أفريقيا، وإستايلست مغربي لما يكون عندي حفلة في المغرب.

ملابس محمد رمضان

• في افتتاح فورمولا 1 كنت لابس لبس السباق، وفي حفلة أمريكا بلبس لبس الموضة عندهم علشان ما يبانش إن فيه فجوة.
• كان عندي مؤتمر مع ميتر جينس فقلت للإستايلست النيجيري لقيته جاب لي بدلة بتاعة تجار الألماظ السنغاليين، فمحمود أخويا قال لي لو لبست البدلة لا أنت أخويا ولا أعرفك.
• أنا أخدت المخاطرة ولبست البدلة علشان أكسب 2 مليون سنغالي، بيكون فيه إستراتيجية ممكن الجمهور ما بيقدرهاش.
• لا أتحدى قرار منع التطبيع مع الكيان الصهيوني، وتقبلت تحقيق النقابة بصدر رحب وسألوني وقلت لهم الإجابات الحقيقية.
• كل شخص بتصور معاه مستحيل هقول له أنت دينك إيه أو بلدك إيه، الآلاف اللي بيتصوروا معايا مستحيل أعرف دياناتهم وجنسياتهم.
•  بقابل الناس بكل الحب والود، ومعرفش إذا كنت بصافح أو اتصور مع شخص إسرائيلي من عدمه، وما أقدرش أحرج قطاع كبير من جمهوري ويجوز أتصور مع شخص قاتل دخل حضني وباسني أو شخص ينتمي لشيء أنا ضده.

بدايات محمد رمضان

• اتفقت مع نفسي إن مفيش حاجة هتوقفني أو تعطلني عن التمثيل، ومكنتش بستهتر بأي حاجة وأستخدم كل الأساليب علشان أوصل.
• مرة رُحت صوت القاهرة، وفضلت من 10 الصبح لـ 1 الظهر ولما دوري قرب طلع واحد قال اللي مش طالب في معهد فنون مسرحية يروح فرُحت وفضلت مستني أحد المخرجين اللي كانوا بيمتحنوا وفضلت أتتبعه لحد لما لقيت الوقت المناسب وعرفت بيحب إيه وبيكره إيه.
• ورُحت تاني يوم ودخلت أمتحن في صوت القاهرة، قلت له أنا عارف إني مختلف عن أي حد بس اسمعني وقلت كل حاجة هو بيحبها ومنها إنه زملكاوي وبيحب فردوس محمد في دور الأم وحبه لأحمد أبو مسلم مع الأهلي وكل شيء عرفته عن اللي بيحبه، وفي الآخر قال لي اقعد وشغلني معاه.

محمد رمضان يطرح «على وضعنا» مع عدوية وابنه بهذا الموعد