محمد رمضان يشوق جمهوره: حدث مهم في حلقة جعفر العمدة

ياسمين حمادة 18 ابريل 2023 | 06:26 مساءً

شوق الفنان محمد رمضان متابعيه وجمهوره لمسلسل جعفر العمدة الحلقة 27، قبل عرضها بدقائق على شاشة التلفزيون والمقرر أن تشهد أحداث مفاجئة.

مسلسل جعفر العمدة الحلقة 27

كتب محمد رمضان في منشور عبر حسابه الرسمي بموقع فيس بوك: «حلقة النهاردة السابعة والعشرون فيها لحظة مهمة ومستنينها من بدري.. مستني رأيكم ؟!.. ثقة في الله نجاح».

حرص الفنان محمد رمضان أن يرد على إشادة المخرج محمد سامي، الذي صرح بها بعد نجاح مسلسل جعفر العمدة، المشارك في موسم مسلسلات رمضان 2023.

مسلسل جعفر العمدة الحلقة 27

محمد رمضان والمخرج محمد سامي

كتب الفنان محمد رمضان، عبر حسابه بموقع التواصل الاجتماعي فيسبوك: 'شهادة اعتز بها من صديقي و مُخرجي المفضل'.

يحتفل المخرج محمد سامي بنجاح مسلسل جعفر العمدة، الذي تعاون فيه من جديد مع الفنان محمد رمضان بموسم مسلسلات رمضان 2023.

تصريحات محمد سامي

الحمد لله جعفر العمدة حقق النجاح اللي الواحد تمناه وأكتر كمان، وتفاعل معاها العالم العربي

جعفر العمدة منجحش كدة بالصدفة فيه حوالي 800 شريك في نجاح المسلسل ده.

بيننا أنا ومحمد رمضان كيمياء واستيعاب في الأفكار، ومش كل الممثلين اللي بيشتغلوا معايا ممكن أطلب منهم نفس الطلبات اللي بطلبها من رمضان في التمثيل، لأن قدراته غير عادية

بكتب وأنا مرتاح ومحمد بيجتهد معايا الحاجة اللي ممثل بيلاقيها لذلك بيسلم وبيثق في اللي أنا بعمله

أول حاجة قولتها لمحمد رمضان في شخصية جعفر العمدة، أن ده راجل جنتل شعبي

كنت بعمل شخص مبني على فكرة التناقضات وفيه العادات اللي تخلي الناس تتوحد مع الشخصية ويحبوها، وبيقدم العائلة ودي أهم حاجة فيه كبطل شعبي

كلمت محمد رمضان مرة قبل التصوير بأسبوع قولته لو الشخصية متقدمتش بطريقة تدخل القلوب المسلسل ده مش هينجح، وكان بيبهرني هو ممثل مش عادي

مصر مليئة بالنجوم وعامرة بالنجوم، ومحمد رمضان أشطر ممثل في مصر حاليًا وأكيد مش عايز حد يبقى زعلان، ولكن محمد رمضان قدراته التمثيلية مش عادية، وكل النجوم فوق راسي، ودايمًا هبقى منحاذ لمحمد رمضان لأن أكبر نجاحاتي معاه، ومعتمدش عليه مرة وخذلني، ودايمًا أقول أدي لمحمد سنتي يرجع متر