محمد رمضان يطرح فيديو كليب أحدث أعماله الغنائية «قالوا إيه»

أطلق الفنان محمد رمضان أحدث أعماله الغنائية بعنوان 'قالوا إيه' عبر قناته الرسمية على يوتيوب، وذلك في شكل فيديو كليب مميز.

أغنية 'قالوا ايه'، من كلمات مصطفى حدوتة، وتوزيع إيهاب كولبيكس.

كلمات أغنية قالوا ايه:

'قالوا ايه ؟ قالوا اه

قالوا هو بيمشي وكله وراه

قالوا إيه ؟ قالوا اه

قالوا عمرها ما بتطلع براه

قالوا عني أي أرض نزلتها

انا كسبت فيها محبة اهلها

قالوا قد اي كلمة انا قولتها

شعبية طاغية ومفيش زيها

قالوا عني نجم نازل مـ السما

لو روحت حتة تقلب ملحمة

ملعوبة مني تيجي بمعلمة

انا فعل بس وانتم مكلمة

قالوا إيه ؟ قالوا لأ قالوا دايمًا كدة يطلع على حق

قالوا إيه ؟ قالوا لأ قالوا سبق الكل وعدى بفرق

قالوا عنده عزبة وفي ضهره عزوة وفي اي حسبة يطلع فهمان

قالوا عني حملة واخواتي دولة وفي كل جولة بطلع كسبان

قالوا عني فلتة واد رجله ثابته وفي كل حتة ليه اصحاب جدعان

لو غيبت غيبتي برجع بهيبتي وتشوفوا صورتي دي في كل مكان

قالوا إيه ؟ قالوا لأ قالوا دايمًا كدة يطلع على حق

قالوا إيه ؟ قالوا لأ قالوا سبق الكل وعدى بفرق

قالوا إيه ؟ قالوا ياه قالوا جت بالحظ وماشية معاه

قالوا إيه ؟ قالوا ياه وانا لسه بقول دي الثقة في الله'

أغنية في العيد

ويأتي هذا الكليب بعد آخر أغنياته 'في العيد'، التي تعاون فيها أيضًا مع مصطفى حدوتة في الكلمات، وألحان إيهاب عبد الواحد، وتوزيع إيهاب كولبيكس، بينما أخرج الكليب أحمد عادل.

وخلال شهر رمضان، قدم محمد رمضان برنامج 'مدفع رمضان'، الذي لم يقتصر على توزيع الجوائز المالية على المواطنين، بل تضمن أيضًا تقديم مجموعة من الأغاني التي لاقت تفاعلًا واسعًا.

فيلم أسد

على الصعيد السينمائي، يستعد رمضان لعرض فيلمه الجديد 'أسد' خلال موسم عيد الأضحى 2025. الفيلم ينتمي لنوعية الأعمال التاريخية، إذ تدور أحداثه في عام 1280، إبان عصر المماليك، حيث يشهد ثورة يقودها العبيد ضد الجيش العباسي.

'أسد' من إخراج محمد دياب، وتأليف خالد دياب، شيرين دياب، ومحمد دياب، ويشارك في بطولته إلى جانب محمد رمضان، كل من ماجد الكدواني، رزان جمال، كامل الباشا، أحمد خالد صالح، وأحمد عبد الحميد.