محمد رياض: احترفت كرة القدم في شبابي واعتزلتها بسبب واحد أسرع من محمد صلاح

دينا دهب 11 مارس 2023 | 11:23 صباحاً

تصريحات محمد رياض تصدرت مؤشرات البحث الساعات الماضية، خاصًة بعدما كشف محمد رياض عن أشياء لأول مرة منها احترافه لعب كرة القدم في بداياته، وفيما يلي يرصد موقع قناة صدى البلد أبرز تصريحات محمد رياض. وإليكم التفاصيل.

تصريحات محمد رياض

احترفت كرة القدم في بداياتي، كنت بلعب في صفوف نادي أبو سمبل، ومقيد في الاتحاد المصري لكرة القدم، تحت سن 19 عامًا

اعتزلت في سن مبكر ولم اكمل مسيرتي الرياضية بسبب إحدى المباريات

كنا نادي درجة تانية، تحت سن 17 سنة و19 سنة، وقتها طلعنا الدوري الدرجة الأولى وبنلاعب الأهلي والزمالك والفرق دي، وإحنا كنا فرقة بلا تمويل، مكنش فيه فلوس وكنا بنشتري الحاجات على حسابنا

كنا بنلاعب نادي اسمه نادي المية، كنت بلعب باك رايت، في الشوط الأول الكورة اترمت من ورايا وشايفها عدت من فوقي وبيني وبين لاعب الفريق التاني 5 أو 6 متر قلت هلف براحتي ده مش هيجيبني، في ثانية مشوفتوش، الواد صاروخ خد الكورة وجاب جون، أول جون جه بسببي

عرفوا بقى إني مش عارف ألاحق الواد، فيرموا الكورة من ورايا والواد صاروخ، مش عارف أضربه ولا أوقفه ولا عارف أعمل حاجة، ده كان أسرع من محمد صلاح، والله ما كنت بشوفه، بيعدي بسرعة الصاروخ، مبلمحوش، كان خرافة