محمد سامي: عفاف شعيب اتهمتني بالباطل.. وربنا جابلي حقي بعد نسل الأغراب

رد المخرج محمد سامي لأول مرة على اتهامات الفنانة عفاف شعيب له بشأن مسلسل آدم، حيث قالت إنه أجبرها أثناء التصوير على الصعود لسيارة الشرطة رغم شعورها ببعض الآلام في ظهرها.

قال محمد سامي في تصريحات تلفزيونية له: «قصة عفاف شعيب كلها كذب، وأنا بحترم سنها لأنها ست كبيرة، وهي اتكلمت كلام كتير كله كذب، والقصة الحقيقية أننا مرة كنا بنصور مسلسل آدم ونفس الوقت بيتصور جنبنا مسلسل اسمه دوران شبرا، والأستاذة عفاف استأذنت قالتلي أخويا تعبان ومسافرة أعالجه قلتلها تمام».

محمد سامي وعفاف شعيب

وتابع: «وأنا بصور بالصدفة كلمني صديق اسمه جوزيف قالي تعالى عدي عليّ أنا بصور مشهد لـ عفاف شعيب، وعرفت إنها في استوديو ورانا، وموضوع ضهرها ده محصلش اتهمتني بالباطل».

وعلق المخرج محمد سامي على الهجوم الذي تعرض له بعد عرض مسلسل نسل الأغراب في رمضان 2021، قائلًا: «تعرضت لهجوم وقالوا إن المسلسل فشل، لكن ربنا جابلي حقي.. مسلسل نسل الأغراب مكانش فيه مقارنة بين محمد رمضان وأمير كرارة، ولكن رمضان كان هيبقى مكان السقا وحصل لخبطة، لكن أنا نجحت معاهم كلهم وهما نجوم كبار، واللي هاجم المسلسل فين دلوقتي، طيب خليه فشل كنت بتتفرج عليه إزاي».

محمد سامي

مسلسل محمد سامي في رمضان 2025

وأعلن تفاصيل مسلسله الجديد في رمضان 2025 المقبل، موضحًا أنه سيكون مخرجًا ومؤلفًا لمسلسل بطولة الفنان عمرو سعد، معلقًا: «عمرو سعد ممثل كبير جدًا وموهوب جدًا ولكن كل ماجي اشتغل معاه متحصلش، والحظ بيبقى ضدنا مش عارف ليه».

واختتم المخرج محمد سامي: «كتبت من المسلسل لحد دلوقتي حوالي 5 حلقات ومش هقدر أقول اسمه احترامًا للمنتج صادق الصباح».

محمد سامي