محمد سامي : مقدرش أزعل روبي رغم انزعاجي من مسلسلها والناس لم تتقبل نجاح مي عمر

ياسمين حمادة 15 يناير 2023 | 04:08 مساءً

تحدث المخرج محمد سامي عن مشاركته ضمن موسم مسلسلات رمضان 2023 بمسلسل العمدة مع الفنان محمد رمضان، لافتًا إلى أنه انزعج عندما علم بوجود مسلسل اسمه «حضرة العمدة».

محمد سامي رمضان 2023

قال محمد سامي في تصريحات إذاعية له: «حضرة العمدة إنتاج ريمون مقار ومحمد محمود عبد العزيز وهما أصحابي وبحبهم أوي لما عرفت أن المسلسل اسمه حضرة العمدة مكنتش مبسوط».

وتابع المخرج محمد سامي قائلًا: «وكان في مكالمة بيني وبين الدكتور خالد عبد الجليل رئيس الرقابة على المصنفات الفنية، وقتها لكن مرضيتش أدخل في نقاش لأن روبي أختي وهي ومراتي أصحاب ومش هينفع أخليها تزعل ولا ريمون ولا محمد».

تصريحات المخرج محمد سامي

وأضاف: «سواء عشانه أو عشان كريم أو والده الفنان الراحل محمود عبد العزيز، وأستاذ إبراهيم عيسى له احترامه أنا معرفوش مقابلتوش شخصيًا ولكن له احترامه هو إعلامي ومؤلف مهم».

واستكمل المخرج محمد سامي : «ممكن يحصل تشتيت، لكن في حالة من الغرور عندي إحساسي بذاتي بعد توفيق ربنا بقول يارب كل الناس تنجح بس كحالة من الغرور هيبقى مسلسلي العمدة له هوية والناس هتتعلق بيه».

محمد سامي مسلسل جعفر العمدة

وتحدث عن مسلسله ضمن موسم مسلسلات رمضان 2023، قائلًا: «المسلسل اسمه جعفر العمدة الناس طول الوقت بتقول العمدة لكن هو المسلسل اسمه جعفر العمدة وفي الآخر أتمنى كل المسلسلات تنجح لأن دا بيخلي الموسم قوي».

وقال المخرج محمد سامي أيضًا: «لو أنا عامل مسلسل حلو وباقي المسلسلات مش قوية هبقى الأول جايب 80% لكن لو الناس جايبين 90% و 100 % بيبقى شكل التميز حلو، إحنا مطلوب مننا نسلي الجمهور نقدم ليه حاجة حلوة، أنا بدأت شغل وكان في 70 مسلسل في رمضان وقت آدم وكنت لسه عيل صغير».

وتابع: «وعرفت أنجح وسط الناس بدعمهم، الموضوع ممتع لما بيكون في عدد كبير، ممتع لما بيبقى كل الناس شغاله مش بيبقى في ناس كتير بتتكلم، مصر تستاهل أن يبقى الموسم فيه 200 مسلسل».

محمد سامي ومي عمر

تحدث محمد سامي عن زوجته الفنانة مي عمر قائلًا: «أنا قدمت مي في الأول كمخرج وهي نجحت، وجمهور الشارع والمنتجين والقنوات تقبلوا نجاحها، ولكن في بعض الأشخاص لم يتقبلوا نجاحها والشماعة عندهم محمد سامي، بس دول مش فارقين معايا».

واستكمل: «في حين أن في ناس بتحبنا وزعلانين إن مي مش معايا في مسلسل العمدة السنة دي، هما بيشعروا إنها بتشتغل دائمًا بالواسطة، وإحنا بنعذرهم لأن بيبقى فيهم ناس موهوبين ودارسين ومخدوش فرصتهم، فـ حاسين إنهم لو كانوا مكاني أنا أو مي كانوا هينجحوا أكثر مننا».

واختتم المخرج محمد سامي : «ومش إحنا لوحدنا اللي بنتعرض لـ ده، في ممثلة قديمة ومهمة جدًا وزوجها مخرج كبير، ولحد دلوقتي بيقولوا إن جوزها هو السبب في نجاحها، ومفيد فوزي كان بيحب مي جدًا، وكان بيكلمها دايمًا ويهنيها على أعمالها، وكان من المعجبين بها، وكلامه حقيقي ولكن ده قدرنا إن يتقال كدة وإحنا متقبلين».

محمد سامي ومي عمر