محمد سامي يرد على الانتقادات: المشاهد الخادشة للحياء نسبية وأنت حر في بيتك

علق المخرج محمد سامي على جدل وانتقادات بعض المشاهد التي تُوصف أحيانًا بأنها تخدش الحياء، موضحًا أن تقييم المشهد يختلف من شخص لآخر.

قال محمد سامي في ندوة شارك بها ضمن فعاليات قمة الإعلام العربي التي أقيمت في دبي: «فكرة إن حضرتك بتقول إن في بعض الأعمال فيها مشهد بيبقى بيخدش حياءك، حضرتك ممكن اللي يخدش حياءك ما يخدش حياء غيرك».

تعليق محمد سامي على المشاهد الخادشة للحياء

وتابع: «فيه واحد بالنسبة له البوسة والحضن زيادة، وواحد تاني لا يشوفهم عادي، فالمسألة نسبية مش مطلقة، وممكن اللي عادي بالنسبة لك يكون مش عادي بالنسبة لشخص آخر فيه واحد أصلًا بيشوف إن التلفزيون حرام».

واستكمل محمد سامي: «إحنا كصناع بنحترم وجود الرقابة، لأن مفيش منطق همشي ألف على 300 مليون عربي وأخبط على كل واحد في البيت ماسك في إيدي ورقة واسأل كل واحد هو والمدام والأولاد بيحبوا إيه ومش بيحبوا إيه، إحنا بنشتغل ضمن ضوابط عامة مش ضوابط بيتك، والباقي متروك للمشاهد يقرر يشوف إيه».

تصريحات المخرج محمد سامي

واختتم المخرج محمد سامي: «أنت حر في بيتك، ولو الدور الرقابي مش عاجبك تقدر تقلب بالريموت، لأن السيطرة على الذوق العام مش دور المخرج».