محمد سامي يعلق على حقيقة وجود جزء ثاني من مسلسل جعفر العمدة

حرص المخرج محمد سامي، على حضور حفل مهرجان القاهرة للدراما في دورته الثانية هذا العام.

وقال محمد سامي، في تصريحات تليفزيونية: الحمد لله جعفر العمدة كان ليه توفيق كبير من ربنا سبحانه وتعالى والحمد لله هو قد ما الواحد بيخلص لشغله، كل مرة يتطور.

محمد سامي ومسلسل جعفر العمدة

وتابع محمد سامي: فيه جزء ثاني من مسلسل جعفر العمدة، والموضوع حساس شوية، وبنهتم إن إحنا نعمل مشروع كويس، أنا ورمضان وسعدي جوهر.

وأضاف: إحنا ربنا كرمنا بنجاح جعفر العمدة، ولكن ده يحطنا في موقف أصعب في تقديم جزء ثاني، وقررنا ناخد وقتنا في المشروع، ولو في جزء ثاني مش شرط يكون في رمضان الجاي، بنتأني بس لتقديم شيء جيد للجمهور.