محمد سامي يكشف سر عدم مشاركة مي عمر في جعفر العمدة: ماكنش ينفع

ياسمين حمادة 18 ابريل 2023 | 05:33 مساءً

كشف المخرج محمد سامي سر عدم مشاركة زوجته الفنانة مي عمر في بطولة مسلسله الجديد «جعفر العمدة»، بجانب حقيقة انفصالهما فنيًا منذ عامين.

تصريحات المخرج محمد سامي

قال المخرج محمد سامي في تصريحات تلفزيونية له: «ماشوفتش مي عمر في أي دور في جعفر العمدة رغم إني لما بكتب أي فيلم بشوف مي البطلة طول ما أنا بكتب».

وتابع: «السنة دي ماكنش ينفع نشتغل مع بعض لأننا واخدين بريك من الشغل سوا، وهي عملت أدوار شبه دي قبل كده مفيش شخصية من الأربعة كانت هتقدمها بشكل مختلف».

محمد سامي ومي عمر

محمد سامي مسلسل جعفر العمدة

وتحدث عن مسلسل جعفر العمدة قائلًا: «المسلسل حقق النجاح اللي كنت بتمناه، وأكتر كمان من اللي كنت بتمناه وجعفر العمدة مانجحش بالصدفة، في حوالي 800 شريك في النجاح ده، وبيني وبين محمد رمضان كيميا واستيعاب، مش كل الممثلين اللي بيشتغلوا معايا أقدر أطلب منهم نفس الطلبات اللي بطلبها من رمضان في التمثيل».

واستكمل المخرج محمد سامي قائلًا: «طبعًا محمد رمضان أشطر ممثل في مصر مش عايز حد يبقى زعلان من دا، بس محمد قدراته غير عادية ودايما هبقى منحاز لمحمد لأن أكبر نجاحاتي معاه، وهو عمره ما خذلني ودايمًا بقول أدي محمد سم يرجعلي متر».

يضم مسلسل جعفر العمدة في بطولته كلًا من محمد رمضان، إيمان العاصي، مي كساب، زينة، هالة صدقي، منة فضالي، منذر رياحنة، عصام السقا، أحمد داش، فريدة سيف النصر، فتوح أحمد، ومجدي بدر، أحمد فهيم، سلوى عثمان، فريدة سيف النصر، أحمد عبدالله، جوري بكر، طارق النهري، إحسان الترك، وآخرين والعمل من تأليف وإخراج محمد سامي.

زينة ومحمد سامي