محمد صلاح العزب غاضبا بسبب سحب فيلم سفاح التجمع وقرارات الإغلاق المبكر للسينمات

أعرب محمد صلاح العزب مؤلف ومخرج فيلم سفاح التجمع عن استيائه من سحب الفيلم من موسم أفلام عيد الفطر 2026، وقرار إغلاق السينمات الساعة 9 مساءً بعد استئناف عرضه.

كتب مخرج فيلم سفاح التجمع في منشور عبر حسابه الرسمي بموقع فيس بوك: «سحب الفيلم في الموسم، وبعد كدة الفيلم يتشخرم، وينزل بعد الموسم، ويفتح في أسوأ يومين طقس مروا على مصر».

وتابع: «وياخد تصنيف فوق 18 فيخسر تلات تربع الجمهور، وبعد كده قرار إغلاق البلد كلها الساعة 9 بالليل، كل ده في أقل من أسبوع، ده أنت سفاح نجس».

وعلق محمد صلاح العزب على المنافسة مع فيلم إيجي بيست، قائلًا: «أنا متأكد إن إيجي بيست فيلم جميل، وأول ما أعرف أدخله هدخله فعلاً، ومتحمس له من ساعة الإعلان عنه».

واختتم: «وسفاح التجمع مبينافسش إيجي بيست على الإيرادات ومش مهتم يثبت حاجة، والفيلم ده تجربة شخصية بمجرد نزولها للسينما أنا عملت اللي أنا عاوزه بالكامل، ومش داخل أنافس حد، ويارب كل الأفلام تبقى في المركز الأول وأنا بعد كده عادي جدًا».