محمد طارق أضا: ندعم رمضان صبحي نفسيًا.. وياريت بلاش شماتة

طالب الإعلامي محمد طارق أضا بضرورة تقديم الدعم النفسي للاعب رمضان صبحي، عقب تأكيد إيقافه لمدة 4 سنوات، بعد رفض الطعن المقدم أمام المحكمة الفيدرالية، مشددًا على أهمية مساندة اللاعب خلال الفترة الحالية.

قال محمد طارق أضا، خلال برنامج «الماتش» على قناة «صدى البلد»: «محتاجين ندعم رمضان صبحي نفسيًا، يا تقول كلمة حلوة يا بلاش، لكن بلاش جو أصل لو كان بيلعب في نادي تاني ما كانش حصل معاه كده».

وأضاف: «ياريت مش عايزين حد يشمت في رمضان صبحي، وبصراحة أنا ما شفتش حد لحد دلوقتي شمتان في اللاعب».

وتابع أضا: «شفت حالة كبيرة جدًا من التعاطف والحب لرمضان صبحي، بعد تأكيد إيقافه لمدة 4 سنوات برفض طعن المحكمة الفيدرالية».

اختتم محمد طارق أضا تصريحاته قائلًا: «كلنا بندعم رمضان صبحي، ونتمنى يكون هادي ويفكر في اللي جاي، وإن شاء الله يقدر يتجاوز الفترة الصعبة دي».