محمد عادل: أتمنى تتويج الزمالك بالدوري

تحدث محمد عادل، المشرف العام على الكرة بنادي المقاولون العرب، عن سباق المنافسة على لقب الدوري المصري الممتاز بين الزمالك والأهلي وبيراميدز، معربًا عن تمنياته بتتويج الزمالك بالبطولة هذا الموسم.

وفي رده على سؤال حول الفريق الأقرب لحسم اللقب، قال محمد عادل بصراحة: «عايز أكون صريح.. ولو إن جماهير الأهلي ممكن تزعل مني، أنا أتمنى الدوري يروح الزمالك».

وأوضح أن موقفه لا يرتبط بالانتماء بقدر ما يعكس وجهة نظره حول الدروس المستفادة من المنافسة، مضيفًا: «بعتبر ده درس مهم لأي حد بيجري ورا الفلوس ومش بيجتهد بالشكل المطلوب.. لازم الأول اللاعب يعمل اللي عليه، وبعدها المكافأة هتيجي بشكل طبيعي».

وتابع: «فيه أندية ولاعبين عندهم إمكانيات مالية كبيرة، لكن الأداء داخل الملعب لا يعكس قيمة العقود اللي بياخدوها، وده أمر لازم يتغير».

وعن استبعاده لبيراميدز من دائرة الترشيحات، أوضح: «أنا شخصيًا شايف تجربة الزمالك الحالية مختلفة، وفيها روح تستحق الدعم رغم الظروف الصعبة اللي مر بيها النادي، وده شيء بحترمه جدًا».

وأضاف: «الأهلي وبيراميدز عندهم إمكانيات مالية كبيرة، لكن السؤال: هل ده بيتقابل بنفس حجم المجهود داخل الملعب؟ أنا شايف إن التجارب اللي فيها كفاح حقيقي لازم تنجح».

واختتم تصريحاته قائلًا: «المهم الرسالة توصل للجميع: اشتغل، اجتهد، وبعدها المادة هتيجي لوحدها.. مش لازم نجري ورا الفلوس وننسى المجهود».