محمد عبدالمنصف للقاء الخميسي بعد أزمة زواجه: بحبك والاعتذار مش ضعف

حرص محمد عبدالمنصف على تقديم اعتذارًا لزوجته الفنانة لقاء الخميسي، بعد أزمة زواجه سرًا التي أثارت ضجة واسعة.

قال محمد عبدالمنصف في اعتذاره لزوجته لقاء الخميسي، عبر تصريحات إعلامية: «بعتذر وبكبر من نفسي لأن الناس لما بتغلط لازم تعتذر.. وده مش ضعف ده قوة».

اعتذار محمد عبدالمنصف للقاء الخميسي

وتابع: «وبقول للقاء أنا بحبك وفخور بيكي، إن شاء الله مش هيكون فيه زعل تاني».

ومن جانبها، كشفت لقاء الخميسي كواليس معرفتها بالخبر، قائلة: «عرفت من شهر 10 من وأنا في الجونة بشكل لئيم، حد كان جاي قاصد يوصلي المعلومة ولما رجعت قولتله وبعدها بيومين قال لي إن ده حصل».

تصريحات لقاء الخميسي

واستكملت: «مستقبلتش الخبر بهدوء خالص وحسيت أني خدت قلم على وشي والدنيا اسودت على الكل، وعلى مدار 7 سنين محستش بأي تغيير ولا شكيت فيه ومقصرش معانا ولا كان فيه أي غلطة.. لما محمد عبدالمنصف قال إنه اتجوز كنت منهارة وخدنا بريك من بعض علشان أهدى، لأني لو خدت القرار في اللحظة البائسة هيكون قرار غلط، لأن اللحظة اللي كنت متضايقة فيها كنت عايزة أتطلق».

وأضافت لقاء الخميسي: «أي ست هتتحط في الموقف ده أول كلمة هتقولها طلقني إحنا كلنا تافهين».