محمد عز يهاجم أحمد السبكي بعد رفض حق الأداء العلني: قعدت 5 ساعات عشان آخد فلوسي

علق الفنان محمد عز على رفض حق الأداء العلني، وكشف موقف له مع المنتج أحمد السبكي، بعد تصريحات الأخير بعدم التعامل مع أي فنان يطالبه بذلك.

كتب محمد عز في منشور عبر حسابه الرسمي بموقع فيس بوك: «قالك همشيه!.. وقالك الممثل بيتصرف عليه آلافات في اليوم وكرفان بـ 30 ألف والممثل بيتكلم في أجر المساعد بتاعه قبل أجره».

وتابع: «المثل المصرى بيقول إيه.. أسمع كلامك أصدقك أشوف أمورك استعجب.. حوش الفلوس اللي بتتبعتر من حضرتك على الممثلين».

واختتم محمد عز: «ده أنا قعدت في المكتب 5 ساعات عشان آخد أي فلوس لأن أمي كانت هتعمل عمليه الله يرحمها ومشيت من غير ولا جنيه وكان فاضلي يوم تصوير ومكنتش خدت ولا جنيه ومعرفتش آخد فلوسي اللي أصلا متعتبرش فلوس غير أنا قولت مش هصور».