محمد علي رزق يحتفل بعيد ميلاد زوجته: مستحملاني وبتهوني عليا أي هم

ياسمين حمادة 19 يوليو 2023 | 08:23 صباحاً

يحتفل الفنان محمد علي رزق بعيد ميلاد زوجته اليوم الأربعاء الموافق له 19 يوليو الجاري، ونشر مجموعة صور تجمعهما عبر حسابه الرسمي.

محمد علي رزق وزوجته

علق محمد علي رزق على الصور التي نشرها احتفالًا بعيد ميلاد زوجته، قائلًا: «عيد ميلاد ست البنات.. كل سنة وإنتي معايا وجنبي ومستحملاني».

وتابع: «كل سنة و إنتي بتهوني عليا أي هم.. كل سنة و إنتي حبيبتي و أم يحيى أغلى هدية من ربنا.. عقبال 100 سنة وإنتي معايا وتفضلي مستحملاني.. ربنا يخليكي ليا ومايحرمني منك ومن حبك.. ربنا يديمك عليا نعمة.. بحبك يا أم يحيى».

محمد علي رزق وزوجته

محمد علي رزق مسلسل ليه لأ 3

وفي سياق آخر، كان قد انتقد الفنان محمد علي رزق، مشهدا بالجزء الثالث من مسلسل ليه لأ الذي تخوض بطولته الفنانة نيللي كريم، بسبب حوار حول أهمية كلية الآداب قسم علوم المسرح في تخريج ممثلين على مستوى عال من الموهبة، وأنها ليست صاحبة بصمة بهذا الأمر.

محمد علي رزق كتب عبر حسابه الرسمي على موقع التواصل الاجتماعي فيسبوك: تصحيح للأساتذة اللي كتبوا المسلسل.. لا يا فندم قسم آداب مسرح بيعلم تمثيل بجد، وهناك نجوم خريجين قسم آداب مسرح زي فتحي عبدالوهاب وسامح حسين وأحمد فتحي وياسر الطوبجي وغيرهم كتير، وفيها دكاترة محترمة بتعلم التمثيل إللي بجد، وأنا بتشرف إني خريج كلية الأداب قسم علوم المسرح'.

وتابع محمد علي رزق كلامه حول هذا الأمر: «كنت أتمنى مناقشة المشاكل اللي بتقابلها أقسام المسرح في أغلب الجامعات».

وأضاف: «حضراتكم عارفين هيكون إيه شعور طالب في أداب المسرح بيتفرج على الحلقة مع أهله؟ تفتكروا نظرة أهله ليه إيه غير إنه بيضيع وقته الطالب نفسه المفروض يروح يكمل دراسه في قسم بيعلم فن أهل الفن بيقوله عليه كده ؟ الأقسام التانية إللي بتقلل من قسم مسرح أصلاً لما يشوفوا مشهد زي ده المفروض يتعاملوا إزاي مع القسم و طلابه وأساتذته».

محمد علي رزق وزوجته