قال الفنان محمد عيد، إنه يتمنى أن يحصل على فرصة تمثيل مع أحمد العوضي وياسر جلال، معلقا: والنجم ياسر جلال فقط لا غير هو من تواصل معي، ووعدني إني هكون معاه في مسلسل في رمضان 2027.
وتابع الفنان محمد عيد، خلال لقائه مع الإعلامية نهال طايل ببرنامج تفاصيل المذاع على قناة صدى البلد 2، أن تواصل مع الفنان أحمد العوضي، لكنه لم يقم بالرد عليه، مضيفا: نزلت على الصفحات والمواقع إني عايز أمثل مع العوضي.
وأضاف الفنان محمد عيد: أحلامي إني أسعد أخواتي، وأسعد نفسي وأسعد الجمهور، وكل اللي بيحب محمد عيد، واتعرضت للتنمر قبل ما أكون فنان.. كانت ناس كتير تقولي أنت شبر ونص.. لكن أنا بيني وبين ربنا عمار ومباخدش الكلام دا في دماغي.
وتابع: أخواتي كلهم طبيعيين.. أنا بس اللي كدا.. مبقدرش أدخل المطبخ لأن كل حاجة عليا، وأولاد أخويا بيقفوا معايا ويساعدونا في كل حاجة.. واتجوزت مرتين لكن محصلش نصيب.. وانفصلت المرة الأولى بعد عامين.. أنا عصبي في الحاجة اللي مش بتعجبني.
