محمد فراج يحتفل بعيد ميلاد زوجته بسنت شوقي برسالة رومانسية مؤثرة

حرص الفنان محمد فراج على الاحتفال بعيد ميلاد زوجته الفنانة بسنت شوقي اليوم السبت 13 ديسمبر، وشارك متابعيه على حسابه الرسمي بموقع «إنستجرام» رسالة رومانسية مؤثرة يعبر فيها عن حبه وامتنانه لها.

وقال محمد فراج: «ماينفعش أقولك كل سنة وإنتي طيبة قبل ما أقولك جوايا شكر وحب واعتراف بالجميل وحاجات كتير ليكي.. إنتي طول عمرك معايا - بتنصحيني- بتوعيني- بتحبيني - مؤمنة بيا - سابقاني دايمًا بخطوة في تفاصيل حياتنا».

وأضاف: «استحملتيني واستحملتي عصبيتي وقلقي وسخافاتي وقت الشغل، ومع ذلك بتبقي أول واحدة تقولي براڤو عجبتني، واخدة بالك مني وليكي في كل خطوة أخدتها ربنا كرمني فيها، ليكي فى كل دور حلو أنا مثلته.. شايلة همي وحِملي وحِملك وحِمل القطط وحاجات كتير، وفوق كل ده كمان زى القمر».

وتابع محمد فراج: «أنا لو اتكلمت وحكيت من هنا لعيد ميلادك السنة الجاية والله مش كفايا.. كل سنة وإنتي أحلى صوص بيدى طعم للحياة.. كل سنة وإنتي حبيبتي».

ويعيش محمد فراج نشاطًا فنيًا ملحوظًا في الوقت الحالي، حيث شارك مؤخرًا في فيلم «الست»، ليواصل تألقه على الساحة السينمائية.