محمد فهيم يحيي ذكرى وفاة وحيد حامد: اسمه مصدر وحي لأجيال

حرص الفنان محمد فهيم على إحياء ذكرى الكاتب الكبير وحيد حامد، الذي رحل عن عالمنا يوم 2 يناير عام 2021.

نشر محمد فهيم صورة تجمعه بالراحل وحيد حامد، عبر حسابه الرسمي بموقع انستجرام، واستعاد ذكرياته معه في كواليس مسلسل الجماعة.

محمد فهيم ووحيد حامد

وعلق: «اسم الاستاذ وحيد حامد لما بيتقال لازم بتشوف معاه حاجات كتير أوي.. صور من أفلامه ومسلسلاته وتاريخ وهيبة وعظمة وفخر كبير, بالظبط زى ما بيحصل لما بتذكر اسم النيل أو الأهرامات أو إسكندرية.. أسامي مرتبطة معاك بصورة لازم بتشوفها فى خيالك».

وتابع الفنان محمد فهيم حديثه عن الكاتب وحيد حامد: «أول ما بتقول اسمها وليها حب كبير وتاريخ كبير جواك.. اسمه لوحده دايمًا بيكون مصدر وحي لأجيال يكون عندها سيل من الأفكار المهمة والجميلة والقوية اللي تحب تكتب وتتكلم عنها وتقدمها فى شكل فني».

وحيد حامد

ذكرى وفاة وحيد حامد

واستكمل: «مفيش فنان واعي فى مصر ماقلش جملة (نفسي أعمل ورق وحيد حامد).. اسم (وحيد حامد) قريب أوي من الشعب المصري والعربي ودايمًا الجمهور والشعوب بتحب اللي بيعبر عنها ويمثلها ويتكلم عنها.. اسم (وحيد حامد) اسم يوحي إليك بالجرأة في طرح الأفكار والقراءة الجيدة للمستقبل».

وأضاف في تعليقه على صورته مع الراحل وحيد حامد: «وده سببه قرايته للتاريخ بشكل كبير وخبراته اللي اكتسبها على مدار سنين.. الجلوس في حضرة أستاذ وحيد ساعة بتكتسب بعدها خبرة عشر سنين في الحياة ويا سلام لو القاعدة دمها خفيف يبقى صوت الضحك ده تسمعه من نيل القاهرة لأسوان من خفة دمه وسرعة البديهة والمباغتة في القافية اللي بتتقال».

وقال محمد فهيم أيضًا: «الأستاذ وحيد حامد قيمة مضافة للفن المصري حقيقي.. وحيد حامد هو حامل أختام قلوب وعقول الجماهير, وليا الشرف إني قابلت واشتغلت مع هذا الرجل المصري العظيم ويربطني بيه كل الحب والود والتقدير».

واختتم في إحيائه لذكرى وحيد حامد: «كل ما بعدي من عند الفندق اللي كان بيقعد فيه بقراله الفاتح، والحقيقة مفتقد حكمته وقوته.. رحمة الله عليك يا أستاذ.. الصورة من أحد لقائتنا بتاريخ 23 سبتمبر 2019 بحضور المخرج الأستاذ شريف البنداري والموسيقار الأستاذ تامر كروان».

محمد فهيم ووحيد حامد

محمد فهيم ووحيد حامد