محمد كيلاني بعد تضامنه مع يسرا اللوزي: «الناس بتدعي عليا يجيلي سرطان»

تعرض الفنان محمد كيلاني للتنمر بعد دفاعه عن يسرا اللوزي، بعد أن وصفها أحد المتابعين بـ«أم الطرشة».

وكتب عبر حسابه الشخصي، «فيس بوك»، «حاولت أتضامن مع زميله ليا عشان واحد معندوش نخوة ولا دين اتنمر عليها، اتفتحت علي ماسورة ألفاظ وشتايم وناس تقول ربنا يجيبلك سرطان وناس تقولي عايز لايكات ».

وأضاف: «ممكن تكون الناس دي فهمت قصدي وممكن تكون مفهمتش، بس يا جماعة أيه كمية الحاجات الغريبة اللي جوانا دي، إحنا محتاجين نقف مع نفسينا شوية، والواضح أن قله الأدب هي اللي بقت ترند، وسهل أن أي حد يشتم حد في ضهره أو من ورا الكيبورد للأسف التربية اختلفت ربنا يهدي الجميع».

التنمر علي يسرا اللوزي

ردت الفنانة يسرا اللوزي على تنمر أحد متابعيها على ابنتها، التي تعاني من الصمم، بعد أن خرجت في أحد البرامج وتحدثت عن ابنتها.

وكتبت يسرا اللوزى، ردًا على أحد التعليقات التى وصفت بنتها بـ«الطرشة»، «شكرًا على ذوق حضرتك، أنا قررت استغل كلامك اللطيف عشان أقدم شوية توعية بخصوص هذا المصطلح، أولا المصطلح الصحيح والمقبول هو الصم وضعاف السمع وليس الطرش أو البكم، ثانيًا أحب أعبر عن فخرى بكونى والدة طفلة صماء، لأنها علمتنى حاجات كتيرة جدا وبقيت بنى آدمة وأم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة مساعدة من حد عشان تحقق أحلامها».

وأضافت،«ثالثًا.. البنت الصماء دى هى اللى ألهمتنى انى أتكلم فى البرامج وأطالب بالكشف المبكر للمواليد اللى على أساسه كل المصريين هيتعملهم كشف سمع عند الولادة، وده المفروض يساهم بشكل إيجابى فى حياة عائلات كتير وهيسمح للأطفال الصم وضعاف السمع، إنهم يلاقوا الدعم منذ الصغر عشان يقدروا يتعلموا كويس ومايبقوش عبء على حد، بل بالعكس هيكونوا قادرين يندمجوا فى المجتمع (المريض للأسف».

الشيخ محمد كيلاني : التماس العلم أقرب طريق للجنة.. والعلماء ورثة الأنبياء .. فيديو

الشيخ محمد كيلاني: الدعاء أسرع وسيلة لجلب رضا الله .. فيديو