محمد محمود عبد العزيز: الرئيس حاسس بينا جدًا ومحروق على بلده زينا.. فيديو

حرص الفنان محمد محمود عبد العزيز على توجيه الشكر للرئيس عبد الفتاح السيسي عقب مشاركته في المؤتمر الوطني للشباب بمحافظة الإسكندرية، حيث كُرم به والده الفنان الراحل محمود عبد العزيز.

محمد محمود عبد العزيز يوجه رسالة للرئيس

نشر محمد محمود عبد العزيز عبر حسابه بموقع انستجرام، فيديو يتحدث خلاله، وقال: 'أنا عمري في حياتي ما حضرت أي حاجة متعلقة بمؤتمرات الشباب ولا كنت بتابعها للأسف الشديد، وأول مرة أحس إني ندمان إني مكنتش بحضر الحاجات دي، وأنا شوفت شباب زي الورد شكلهم يفرح، ومش كلهم حابين اللي بيعملوه لا ده هما مصدقين جدًا وفي فرق كبير بينهم'.

واستكمل محمد محمود عبد العزيز حديثه، وقال: 'أنا كنت على بُعد كام متر من رئيس جمهورية بلدي وده في حد ذاته جديد عليا من غير لا فلاتر ولا مونتاج، وحسيت إن الرئيس زينا جدًا وحاسس بينا جدًا ومحروق على بلده زينا، وبيتكلم من قلبه زينا، والحاجات اللي متسببة في قلق الناس وخايفين منها هو عارفها ولم ينكر إن لدينا مشكلة، وإنه شغال عليها ودي حاجة تطمن وأسعدتني أن رئيس الجمهورية حاسس بالمشاكل وحاطيت إيده عليها'.

 

View this post on Instagram

 

A post shared by محمد محمود عبدالعزيز (@mohamedmahmoudabdelaziz_)

تصريحات محمد محمود عبد العزيز

وتابع محمد محمود عبد العزيز حديثه عن الرئيس عبد الفتاح السيسي، وقال: 'شوفت إنجازات في الإسكندرية عديت عليها عادي وكباري جديدة وقلت الله، ولكن بالنسبة ليا شايفها عادي، لكن أول مرة أبقى قاعد وأعرف اتعملت إزاي وأخدت وقت ومجهود قد إيه واتكلفت كام، وحسيت إن الموضوع كبير وشبه الإنتاج عندنا في الدراما، لأن عندنا ممكن دقيقتين نقعد فيها أيام تصوير وده بالنسبة لنا مجهود وده لا يقارن بمجهود الدولة ولا مجهود الناس اللي بتحفر في الصخر عشان يعملوا لنا طرق ولا كباري، وحسيت للأسف في البداية إن الحاجات دي عدت عليا عادي ولم تلفت نظري وده حال ناس كتير للأسف، لكن الموضوع مش سهل خالص خصوصًا فكرة حياة كريمة، وفكرة البيوت الجديدة اللي اتعملت والناس اتنقلت من عشوائيات إلى بيوت أفضل، الناس دي كانت في كوارث وعدت منها وإحنا محسناش بيها رغم إننا في بلد واحدة، وهمومنا واحدة، وللأسف مش بنركز في المجهود اللي ورا ده'.

واختتم حديثه، قائلًا: 'مش عيب أكون وطني وأحب بلدي، وعاوز أقول شكرًا لمصر وشكرًا للرئيس عبد الفتاح السيسي واتشرفت بوجودي مع حضرتك، والثواني البسيطة اللي اتكلمت فيها مع حضرتك أسعدتني وكنت أتمنى إنها تطول لأن كان جوايا كلام كتير نفسي أقوله لحضرتك، وأنا بحب البلد وبخاف عليها جدًا، والكلام اللي سيادتك قلته في المؤتمر لمسني جدًا وصدقته جدًا، وأتمنى من كل قلبي إن لقائي بحضرتك يتكرر، وربنا يعين حضرتك ويقدرنا جميعًا إننا نساعد بلدنا بأي شكل يفيد البلد بأي طريقة'.

أول تعليق من محمد محمود عبد العزيز بعد تكريم الرئيس السيسي لاسم والده

بصورة مع حفيدته.. محمد محمود عبد العزيز يحيي ذكرى ميلاده والده

محمد محمود عبد العزيز حديث التواصل الاجتماعي بسبب الشيخ حافظ في مسلسل حضرة العمدة

محمد محمود عبد العزيز في المتحف المصري الكبير: احساس عظيم إنك تبقى قادر على ابهار العالم

محمد محمود عبد العزيز ينعى حماه بكلمات مؤثرة