محمد محمود: قضيت عمري في المسرح وأمير البحار بوابتي للجمهور

ياسمين حمادة 25 فبراير 2023 | 05:46 مساءً

تحدث الفنان محمد محمود عن بداياته الفنية ومسيرته في مجال الفن التمثيل، لافتًا إلى أنه قدم أعمالًا بالمسرح على مدار 30 سنة.

تصريحات محمد محمود

قال الفنان محمد محمود في تصريحات تلفزيونية له، إنه لم يعرفه الجمهور إلا بداية من فيلم أمير البحار مع الفنان محمد هنيدي، مضيفًا: «المسرح مهدور حقه بسبب عدم تصوير العروض التي تقدم على خشبته».

وأضاف الفنان محمد محمود قائلًا: «أنا قضيت عمري كله في المسرح، يعني 30 سنة بمثل في المسرح لكن اللي اتذاع لي 3 أو 4 مسرحيات مع الأستاذ سمير غانم الله يرحمه».

محمد محمود في المسرح

واستكمل: «كل أعمال مسرح الدولة اللي أنا قضيت عمري فيها من يوم ما اتخرجت من المعهد متصورش منها حاجة، حتى لما بقيت بعد كده مدير عام في المسرح».

وتابع محمد محمود كلامه عن مسيرته في المسرح: «بقيت أقول عشان اللي حصلي ميحصلش للولاد الجداد إنه نصوّر الأعمال لكن مفيش فايدة رغم مطالبتي أكتر من مرة».

محمد محمود فيلم أمير البحار

وتحدث عن مشاركته في فيلم أمير البحار مع الفنان محمد هنيدي، قائلًا: «ده كان عنق الزجاجة اللي خرجتني وعرفت الناس إن في ممثل اسمه محمد محمود».

واختتم كلامه: «لأن اللي شافوني في الفيلم ده قد اللي شافوني في عمري كله على المسرح، ومن بعده ربنا كرمني وتوالت الأعمال لحد ما اشتغلت مع العظيم يحيى الفخراني السنة قبل اللي فاتت».

محمد محمود