محمد نجاتي: مش هشتغل رقاصة.. وأرفض دور خالد الصاوي في عمارة يعقوبيان

كشف الفنان محمد نجاتي الدور الذي يرفض أن يقدمه على الشاشة، رغم أنه يحلم بتجسيد كل المهن والشخصيات الموجودة في المجتمع بلا استثناء.

تصريحات محمد نجاتي

وقال محمد نجاتي: «مش معني إني عايز أقدم كل الأدوار، إني أقبل ألبس بدلة رقص عشان خاطر دور، أنا مش هعمل كدة واشتغل رقاصة عشان دور».

أضاف محمد نجاتي في تصريحات تلفزيونية له: «أنا عندي اللي لسه هقدمه وأنا مشخصاتي مش ممثل»، وتحدث عن النجوم الذي يتمنى العمل معهم.

وتابع محمد نجاتي: «كان نفسي أشتغل مع الأستاذ عادل إمام والدكتور يحيي الفخراني، ويارب تيجي الفرصة وأشتغل معاهم، والأقرب لي في الوسط الفني حمادة هلال».

محمد نجاتي

بدايات محمد نجاتي

استكمل الفنان قائلًا: «أنا وحمادة هلال أصحاب من وإحنا صغيرين واتربينا مع بعض، وهو أقرب شخص لي في الوسط»، وعن نشأته قال محمد نجاتي: «أنا من مواليد منطقة شبرا، وأقضي بها كل الأعياد والأجازات والعطلات».

قال محمد نجاتي أيضًا: «وأقابل أصدقائي وهذا الأمر أفضل بالنسبة لي أفضل عيد»، موضحًا أن مصر ه‍ي أفضل بلد من وجهة نظره وأن شبرا أفضل المناطق اللي رآها في مصر.

محمد نجاتي

ومن بين التصريحات الجريئة له، قال: «لو إتعرض عليا دور خالد الصاوي في عمارة يعقوبيان لن أقبله، لأن هناك أدوار أحب تقديمها، وأدوار لا أحب تقديمها، وأنا معنديش إمكانية أقدم الدور بالشكل اللي قدمه خالد الصاوي».

مشهد محمد نجاتي

استطرد محمد نجاتي: «خالد الصاوي كان أذكى من ناس كتير أوي، وقدر يلعب الدور في منطقة حساسة، أنا أخاف منه وأرفضه».

كشف أيضًا كواليس أول مشهد قدمه في طفولته، قائلًا: «والدتي كانت بتجيبني وتوديني الاستديو وبتحفظني المشاهد بتاعتي بمسلسل أنا وأنت وبابا في المشمش من إخراج محمد فاضل، وكانت أكبر داعم لي حتى أكون فنانًا».

أحمد وفيق لـ محمد نجاتي: لو فكرت تعتزل هعورك

أحفاد عادل إمام الـ 8.. تصريحات نادرة وعلاقة مؤثرة