محمد هنيدي يدعم صلاح بعد خسارة أبطال أوروبا: شبهنا ماتولدش في بقه معلقه دهب

وجه الفنان محمد هنيدي رسالة دعم للنجم المصري محمد صلاح لاعب ليفربول الإنجليزي، بعد خسارته لقبا جديد هذا الموسم، بخسارة نهائي دوري أبطال أوروبا أمام ريال مدريد الإسباني في المباراة التي جرت مساء السبت على ملعب ستاد دو فرانس في باريس.

السخرية من محمد صلاح

وكتب محمد هنيدي عبر صفحته الرسمية بموقع التواصل الاجتماعي فيسبوك «عارف لما بتبقى بتلعب بلاعب في البلاي ستشين وفجأة تلاقيك بتنافسه أو اللاعب بعد ما اعتزل بيحلل أدائك في التلفزيون وبيوصفك بالافضل في منطقتك في العالم

عشان كده بقى عايز أقول حاجة. بقالي فترة بشوف بعض الشباب اللي بيحاول يسخر أو يقلل من صلاح.. يمكن يكونوا مابيحبوش صلاح أو بيشجعوا فرق منافسة».

معاناة محمد صلاح

وأضاف «من حقك ماتحبش صلاح وحقك تحب فريق منافس وتشجعه، بس الفكرة ليه تقلل أو تكره واحد قدر يعمل اللي ملايين كانوا بيشوفوه مستحيل؟ صلاح اللي كان بيسافر بالقطار كل يوم وينام في النادي على الأرض وبدون واسطة قدر يصنع نفسه من الصفر. لغاية لما وصل أنه بقى ينافس على الأفضل في العالم. صلاح زينا وشبهنا. ماتولدش في بقه معلقه دهب. قدر يكون مثال لأي واحد بيتعب وشايف أنه حلمه وهدفه مستحيل يتحقق. صلاح مثال لأي شخص مجتهد وبيمر بظروف صعبة وحياة صعبة. مثال إنك تقدر مش بس تكون الأفضل في بلدك. تكون الأفضل في العالم».

أين تكمن الفكرة؟

واختتم «الفكرة مش في الشخص الفكرة في الفكرة نفسها. أن يكون عندنا شخص وأشخاص طبعا في مجالات كتير تانية زيه قدروا يحققوا اللي أنت واحنا كنا شايفينه مستحيل فالحب والتقدير لصلاح مش حب لشخص حب لفكرة ونجاح وهاردلك لصلاح».

75 دقيقة..كورتوا يمنع محمد صلاح من إدراك التعادل لـ ليفربول أمام ريال مدريد