محمود حجازي يدافع عن ريهام حجاج بعد اعتزال توفيق عبد الحميد الفن : «دايما بتتظلم من الناس»

دافع الفنان محمود حجازي عن الفنانة ريهام حجاج، حيث أنه تردد خلال الساعات الماضية أنها السبب وراء اعتزال الفنان توفيق عبد الحميد، الذي أعلن منذ قليل اعتزاله الفن فور انتهاءه من تصوير مسلسل «يوتيرن» .

محمود حجازي يدافع عن ريهام حجاج

وكتب محمود حجازي عبر حسابه الشخصس «فيس بوك» ، «أنا في حاجه ماكنتش عايز اتكلم فيها بس بجد مش قادر اشوف حد علاقتي بيه طيبة وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سؤاء كان جزء منها او ميعرفش حاجه منها ».

وأضاف، «ليه بقينا بنستسهل الظلم، انا السنة دي بشتغل ٣ مسلسلات جواه رمضان وكانت سنة صعبة جدا وممتعة جدا وانا محظوظ أني اشتغلت مع الاستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوتيرن سوف يعتزل الفن».

وتابع حديثه، «قد ايه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده .. وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقة بالحقيقة».

واستطرد حديثه، «المشكلة ان دي طريقة بتتكرر وكل مرة بقول اكيد الناس هاتفهم لوحدها بس الاقي الموضوع مكمل بطرق غريبة والغريب أكتر أن في ناس بتستغل الموضوع ده .. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس .. انا ده تاني عمل ليا مع الاخت العزيزه ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق .. واسف اني طولت عليكم وكل سنه وحضراتكم طيبين».

ريهام حجاج توجه رسالة لـ توفيق عبد الحميد بعد رجوعه للفن من خلال مسلسل«يوتيرن»:«استمتعت بوجوده في حياتي»

توفيق عبد الحميد يعلن اعتزال التمثيل بعد انتهاء تصوير «يوتيرن»