محمود حميدة: من غير زوجتي مقدرش أعيش وبدأت الفن وعمري 5 سنوات

تحدث الفنان محمود حميدة عن دور زوجته في حياته، مؤكدًا أنه لن يستطيع العيش بدونها.

قال محمود حميدة عبر تصريحات إعلامية: «مراتي أم بناتي سندي وضهري ومن غيرها مقدرش أعيش.. أموت يعني والست أقوى حاجة في الوجود».

تصريحات محمود حميدة

وتابع: «إحنا فيه حاجات كتير اتربينا غلط عليها زي إن الراجل ميعيطش، دا كلام فارغ، وزي أننا نتربى على أننا منعرفش نختار مع أن ربنا خالقنا عشان نختار».

واستكمل محمود حميدة: «أنا أعتز بكل أعمالي، لأن الحمد لله كل عمل أخلصت له 100% وأنا عندي الإخلاص في العمل هو كل شيء، وأنا لو لقيت نفسي مش مخلص هأنب نفسي كتير، مقدرش اشتغل بدون إخلاص».

أسرار محمود حميدة

وعن الدرس الذي تعلمه من الحياة، علق قائلًا: «الحياة علمتني أني لن أتوقف عن العمل لأي سبب من الأسباب لأن قيمة أي شخص في العمل، ومش بتضايق لما حد يقول عليا أليط لأنهم أكيد صح طالما شايفني كده.. وده مش واحد ولا اتنين ومن ضمنهم أمي الله يرحمها».

وقال محمود حميدة عن بدايته في مجال الفن: «المهنة دي بمارسها وأنا عندي 5 سنين وكلها كانت في المسرح ولما كبرت مكنش عندي طموح أني أطلع على الشاشة، مكانش في بالي، كنت عايز أفتح مدرسة تمثيل».

محمود حميدة