محمود حميدة ينتقد معتقدات إخوته: بيحبوا يمشوا تبع السُنة وده مرض

تحدث الفنان محمود حميدة عن المفاهيم الخاطئة، والمعتقدات التي يتمنى حذفها من الوجود.

قال محمود حميدة عبر تصريحات إعلامية: «إحنا عايزين نعيش زي ما الناس كانت عايشة قرون قبلنا، وده يعني عندي أنا إن حس الزمن غير موجود».

تصريحات محمود حميدة

وتابع: «إخواتي بيبحبوا يمشوا تبع السُنّة، ويربوا دقنهم ويلبسوا جلابية، وعايزين يعيشوا كما عاش الرسول عليه الصلاة والسلام والصحابة».

واستكمل محمود حميدة: «أنا مش شايف إن ده حاجة مظبوطة، أنت عايز ترجع بالزمن؟.. إحنا ربنا خلقنا عشان نتقدم لقدام، لو عملنا كدة نبقى مش مؤمنين بيوم البعث، اللي مؤمن بيوم البعث إحنا رايحين لقدام مش لورا، وده ينطبق علينا كلنا ده مثل، ولا استثني نفسي».

آراء محمود حميدة

واختتتم: «أنا ابن هذا المجتمع وبالتأكيد مصاب بأمراضه، أنا شايف إن ده مرض وإخواتي مش شايفين إن ده مرض، غير إن فيه حاجات كتير اتربينا غلط عليها زي إن الراجل ميعيطش، دا كلام فارغ وزي أننا نتربى على أننا منعرفش نختار مع أن ربنا خالقنا عشان نختار».

محمود حميدة