محمود سعد بعد وفاة نبيل الحلفاوي: تنبأ بما سيحدث في جنازته وأصيب بمرض خطير

كشف الإعلامي محمود سعد الصديق المقرب للفنان نبيل الحلفاوي، تفاصيل أيامه الأخيرة، وحقيقة مرضه الذي أخفاه عن الجمهور.

قال محمود سعد في مقطع فيديو بعنوان «حصل في جنازة نبيل الحلفاوي اللي هو توقعه بالظبط.. كانت لحظة صعبة»، عبر قناته الرسمية بموقع يوتيوب: «اللي حصل زوجة الفنان نبيل الحلفاوي قالتلي من 20 يوم أنه حالته وحشة جدًا».

خريطة مدفن نبيل الحلفاوي

وتابع: «كلمته قالي أنا تعبان شوية وكان آخر مرة شوفته في أبريل في وداع صلاح السعدني، لقيته خاسس أوي، وفي الأيام الأخيرة في المستشفى كنت بتكلم مع وليد الحلفاوي ابنه، قالي أنا عايز أقولك على حاجة بابا قالنا كلام مهم عن علاقتكم ببعض وقالنا خلوا بالكم من محمود لما يحصلي حاجة هو اللي هيعملكم كل حاجة لما تحتاجوا حاجة خليكم معاه».

واستكمل محمود سعد: «لأنه في يوم من الأيام وإحنا راجعين من دفن الكاتب أسامة أنور عكاشة قالي أنا عندي مشكلة أن التربة بتاعتنا في مكان ضيق هنعمل إيه، وقالي إنه عامل خريطة للمدفن للطريق له، ولما روحنا المقابر وكنا بليل توهنا وبقيت أضرب كف على كف، مع أني كنت كلمت وليد الحلفاوي وقلت له على الخريطة، لكن توهنا زي ما نبيل الحلفاوي كان قايل».

محمود سعد ونبيل الحلفاوي

مرض نبيل الحلفاوي

وتحدث عن مرض نبيل الحلفاوي قائلًا: «مكنش في غيبوبة كان نايم مش عايز ياكل ولا يتكلم، كان أخوه غير الشقيق دكتور مجدي الصيرفي يسأله: حاسس بينا يرمش بعينه، وبعدها بيومين توفى بمنتهى الهدوء زي ما كان عايز».

واختتم الإعلامي محمود سعد: «وعرفت أنه كان مريض بالمرض الخطير من الدرجة الرابعة بس مكناش نتصور أنه هيتوفى بهذه السرعة».