محمود سعد يكشف حقيقة ضربه لـ نانسي عجرم.. ماذا حدث؟

كشف الإعلامي محمود سعد حقيقة ضربه للفنانة نانسي عجرم، وهي الشائعة التي ترددت طوال سنوات ماضية.

قال محمود سعد عن شائعة إنه انفعل على نانسي عجرم بسبب إساءتها للدين الإسلامي، وضربها بكوب زجاجي وطردها من استوديو برنامجه: «إشاعة غريبة جدًا معرفش مين طلعها وبتزيد».

حقيقة ضرب محمود سعد لـ نانسي عجرم

وتابع في فيديو نشره عبر حسابه الرسمي بموقع انستجرام: «أول ما سمعتها قلتلهم حد يقدر يضرب نانسي أو يبصلها الست الجميلة دي؟».

واستكمل الإعلامي محمود سعد: «وكان عمري ما شوفت نانسي قبلها وقررت أعمل معاها حلقة وكانت ست لطيفة جدًا، هي كانت ولازالت أجمل وجه بيغني على الساحة وفي ناس كانت متضايقة منها بسبب أخاصمك أه».

نانسي عجرم

تصريحات الإعلامي محمود سعد

وقال أيضًا: «وكنت أنا كمان ضد الأغنية بس معملتش الدور البطولي اللي بيقولوا عليه ده، حولوني بطل عشان بدافع عن الدين وده محصلش لا منها ولا مني، قابلتها وكانت ست جميلة وعملنا حلقة جميلة ننفي بيها ومفيش فايدة الحكاية تزيد وبطولاتي تزيد، والشائعة دي عملتلي شعبية عند الناس، ومكنتش عارف إيه اللي وصل الحكاية دي لجوه الريف والصعيد».

واختتم محمود سعد: «اكتشفت إن اللي بيوزعوا المياه الغازية والسجاير بيدخلوا في كل حتة في مصر، يحكي الحكاية ويمشي، فانتشرت في الدنيا كلها وبقيت بطل وعملت حاجة عظيمة وأنا معملتش حاجة ولا هي عملت حاجة خالص».

محمود سعد

 

View this post on Instagram

 

A post shared by Mahmoud Saad (@mahmoudsaadeg)