محمود عامر يروي تفاصيل موقف محرج تعرض له في مكتب كاستينج

تحدث الفنان محمود عامر، عن تعرضه لموقف صعب بأحد مكاتب الكاسيتنج، وروى كواليس ما حدث معه .

محمود عامر ومكتب كاستينج

وقال محمود عامر، في تصريحات تليفزيونية: الموقف ده وجعني وجع السنين وكتبته على صفحتي لأنه حصل معايا ، الأجيال مش متواصلة أولا وفي شباب معذورة مش عارفين لكن الأوديشن في أوروبا وبلاد الفرنجة لو بيعمل أوديشن بيجيب الممثل لو بيعمل دور س بيجيب فيه ٣ ويعملهم ماكياج وملابس والدور بنقعد نحفظه يومين تلاتة وبندرب عليه وبيشوفوا على الكاميرا ودول ممثلين سوبر ستار بيحصل معاهم كده.

محمود عامر، تابع في تصريحاته: إحنا عندنا بقي في الكاستينج دايركتور بيجيبوا مساعد تالت أو رابع الا من رحم ربي طبعا في مخرجين كبار ليهم كل التقدير بيبقي المخرج المنفذ أو المخرج بذات نفسه .. أنا مرة اشتغلت في مسلسل لبناني كان المخرج قاعد ذات نفسه رغم اني كنت عامل تلت مشاهد.

وأضاف عامر: لما روحت عملت الأوديشن قالي طولك طب وزنك، وبعدها سألني خدت ورشة عند مين لو كنت رديت طبعا كانت هتبقي ليلة سودة، قلتلوا آه وروحت رايح ناحية الباب ولا قولتلوا حاجه، وانا واثق أنه اكيد قال دا اكيد مجنون ولا جراله حاجه، المواقف دي بتوجع.

محمود عامر

محمود عامر

محمود عامر

محمود عامر