محمود عامر يستغيث بسبب قلة العمل: حرام كلنا في مركب واحد

وجه الفنان محمود عامر استغاثة بسبب قلة العمل، ويشكو من تجاهل المنتجين والمخرجين.

كتب محمود عامر في منشور عبر حسابه الشخصي بموقع فيس بوك: «على فكرة إحنا لما بنطلب إن إحنا نشتغل فده مطلب مشروع ومش عيب ولا حرام ومفيش فيه أي إحراج أو قلق».

استغاثة الفنان محمود عامر

وتابع: «لأن دي مهنتنا ربنا سبحانه وتعالى أعطانا إياها فلما حد بييجي يبعت رسالة لمخرج ولا لمنتج ولا لمساعد مخرج ولا مدير إنتاج ده اسمه سعى بكرامة وعزة نفس».

واستكمل محمود عامر: «لكن فيه بعض من الناس دول للأسف الشديد بيعتبروا الرسائل الخاصة ليهم للبحث عن عمل نوع من أنواع التسول!.. وتصبح صك عليهم وأحيانا بيفرجوا الناس عليها رغم أنها رسائل خاصة؟.. بجد حرام كلنا في مركب واحد وكلنا مدخلات لمخرجات وكلنا بنكمل بعض».

تصريحات محمود عامر

واختتم: «فيا عزيزي من بيدك الأمر رفقًا بمن هم موجوعين بالكرامة ولك كل الشكر والتقدير.. ويارب تكون رسالتي وصلت واتفهمت من غير أى تفسيرات مغلوطة.. وبكرة أحلى بإذن الله».