محمود عمرو ياسين: والدي لن يجاملني.. وتأثرت بمشهد استشهادي في مسلسل الكتيبة 101

قدم الفنان الشاب محمود عمرو ياسين (جونيور)، شخصية الشهيد أحمد عصمت في مسلسل الكتيبة 101، ضمن مسلسلات رمضان 2023.

محمود عمرو ياسين يتحدث عن مسلسل الكتيبة 101

قال الفنان محمود عمرو ياسين خلال استضافته في برنامج سبوت لايت المذاع على قناة صدى البلد، وتقدمه الإعلامية شيرين سليمان: «الناس مش عارفة إن العمل صعب ومش فاهمة إن المشهد للي بيشوفوه بيتم تصويره 500 مرة من أكتر من زاوية، والعمل ده في جهد زيادة عن الأعمال الطبيعية، وكان مختلف».

شخصية محمود عمرو ياسين في الكتيبة 101

وتابع محمود عمرو ياسين حديثه عن شخصية الشهيد أحمد عصمت، وقال: «شخصية أحمد عصمت مختلفة عني، فكنت حريص إني أكون أحمد عصمت مش محمود ياسين واتمنى الجمهور يكون شاف ده، والناس حبت الدور واتأثرت بيها، ودي كانت أقل حاجة نقدمها للشهداء».

وأضاف: «المشهد اللي مات فيه أحمد عصمت، رغم إني بمثل لكن وأنا شايف العربيات داخلة عليا المنظر صعب، اومال الناس اللي مرت بالتجربة بجد هيكونوا حسوا بإيه».

رأي عمرو ياسين في ابنه محمود ياسين جونيور

واختتم حديثه، وقال: «والدي قالي انت عامل كل حاجة صح وده حبيته جدًا وكان مبسوط بدوري جدًا، وابويا معايا مش هيجاملني، لأنه كتير قالي على عيوب في اعمال تانية لكن في المسلسل ده قالي كويس جدًا».

وليد فواز يظهر ممسكا بالسلاح في كواليس تصوير مسلسل الكتيبة 101

عمرو وهبة عن شخصيته في مسلسل الكتيبة 101: كان من أهم أحلامي التمثيلية

مسلسل الكتيبة 101 الحلقة 14.. تزايد الخلافات داخل التنظيم

مسلسل الكتيبة 101 الحلقة 12.. مهاجمة العناصر المرصودة وتصفيتهم

ملخص مسلسل الكتيبة 101 الحلقة 10.. الجيش يسترد حق الشهداء