«محنة قوية».. مروة عبدالمنعم تحسم التساؤلات عن خضوعها لعملية تجميل

كشفت الفنانة مروة عبدالمنعم حقيقة خضوعها لعملية تجميل، وردت على تساؤلات جمهورها ومتابعيها.

كتبت مروة عبدالمنعم في منشور عبر حسابها الرسمي بموقع فيس بوك: «فيه ناس فاكرة إني عملت تجميل وكتير جدًا مبيعرفونيش وبيقولولي عملتي إيه في نفسك».

حقيقة خضوع مروة عبدالمنعم لعملية تجميل

وتابعت: «بصراحة أنا نفسي لو حلفتلي إني معملتش حاجة فيا مش هصدقني.. لكن هي دي الحقيقة والله.. أنا معملتش أي حاجة غير إني لقيت نفسي وقويت نفسي ووقفت مع نفسي وحبيتها بس».

واستكملت مروة عبدالمنعم: «أنا بشكر الظروف الصعبة والمحنة القوية اللي عديت بيها والناس اللي خذلتني وصدمتني فيهم ودخلتني في اكتئاب وصدمة نفسية وصلتني للصورة اللي على اليمين».

تصريحات مروة عبدالمنعم

واختتمت: «وبشكر ربنا اللي أهداني محنة عشان ينقذني ويعلمني ويوريني حقايق.. بشكر ربنا اللي بسببه اتحولت لواحدة تانية وإنسانة جديدة.. أنا معملتش أي حاجة فيا غير إني رجعت لنفسي وقولتلها ماتزعليش.. الخلاصة في كل محنة منحة لحياة أفضل».