مديحة حمدي تتعرض لأزمة صحية وتكشف تطورات حالتها

تعرضت الفنانة مديحة حمدي لأزمة صحية، وكشفت تطورات حالتها الصحية عبر حسابها الرسمي بموقع فيس بوك.

وكتبت الفنانة مديحة حمدي في منشور لها: «اللهم سبحانك أنت الشافي.. الحمد لله دور إنفلونزا شديد جدًا.. وأمرني الطبيب بعدم مغادرة سريري».

مديحة حمدي تتعرض لأزمة صحية

وتابعت أن لن تستطيع مغادرة سريرها قبل انتهاء فترة العلاج تحسبًا لأي انتكاسة، مختتمة: «الدعاء لي بظهر الغيب وجزاكم الله خيرًا».

وكتب أحد أصدقائها بموقع فيس بوك: «نتمنا من الله سبحانه وتعالى الشفاء العاجل للفنانة القديرة مديحة حمدي».

وفي سياق آخر، كانت قد تحدثت الفنانة القديرة مديحة حمدي عن زيجات أبنائها وعلاقتها معهم وبكائها ليلة زواج ابنها هي ووالدة زوجة ابنها، والزوجة في البيئات البسيطة وعادات عائلتها في الزواج.

تصريحات مديحة حمدي

وقالت مديحة حمدي، ببرنامج ساعة زمن المذاع عبر قناة صدى البلد، تقديم الإعلامية مايا الشربيني: «لو عندي عزومة في البيت أنا مرتبكش عشان مرات ابني موجودة، وهي عارفة كل حاجة في البيت وعارفة هتعمل ايه، والتقديم نفسه على السفرة هيبقى عامل إزاي، وأنا عرفت أكسبهم ومفيش حاجة بيعملوها ممكن تخليني مش حلوة معاهم، وهم متربيين كويس أوي».

وتابعت مديحة حمدي: «فيه تقاليد في عيلتنا في الجواز إن أم العروسة تروح (ترص) حاجات بنتها في شقتها، وأم البنت عليها تملأ التلاجة، وفيه تقاليد كدة في كل أسرة، وأنا كنت بعيط، ودموع الفرح نزلت مني يوم جوازهم، ومنكرش اني بكيت وأم العروسة بكت برضو، لأن الفرحة تهزك».

وأَضافت الفنانة مديحة حمدي: «بنات ولادي مبيشتكوش أبدا من أي حاجة، ودول عسل أوي، وبقولهم انتوا كل ما يمر الوقت بتحلووا أكتر، لان طباعهم فيها نضج وجربوا يعني ايه امومة والحياة ممارسة وتثقل المشاعر وتديها خبرات أكتر، والحماة زمان غير، ففي البيئات البسيطة، الحماة كانت زوجة الابن لا تجرؤ انها تعمل بيتها او تطبخ قبل ما تخلص شغل البيت عن حماتها سواء كنس أو مسح أو اي حاجة تتخيليها، واصبح حق مكتسب.. فيه اللي بيتعايش مع الموضوع ده ويتقبله، وفيه واحدة تانية طبيعيتها مش كدة».