مدير أعمال شيرين عبد الوهاب يُنهي تعاونه معها: آسف لو قصرت معاكي

أعلن إيهاب صالح مدير أعمال شيرين عبد الوهاب عن انتهاء فترة إدارته لأعمالها، وذلك عقب فترة قصيرة من حفلتها التي قدمتها في مدينة جدة بالمملكة العربية السعودية.

مدير أعمال شيرين يُنهي تعاونه معها

وقال إيهاب صالح عبر حسابه بموقع تويتر: 'جمهور شيرين العظيم ، الحمد لله علي نجاح حفل جدة كما كان متوقع و ده العادي بتاع شيري في أي حفلة'.

وتابع: 'أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة اللى فاتت ليها في المقام الاول و طبعا بعد كدة ليا، وقررنا إن من الافضل لينا إن نحط صداقتنا و العشرة قبل أي حاجة و إني ابتعد عن إدارة أعمالها و ده أكيد لمصلحة الطرفين و لينا اسبابنا'.

🌟 جمهور #شيرين العظيم ، الحمد لله علي نجاح حفل جدة كما كان متوقع و ده العادي بتاع شيري في أي حفلة. أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة أللى فاتت ليها في المقام الاول و طبعا بعد كدة ليا. قررنا إن من الافضل لينا إن نحط…

— Eyhab Saleh (@EyhabSaleh) May 28, 2023

واستكمل مدير أعمال شيرين عبد الوهاب السابق حديثه، وقال: 'مبروك وشكرا يا شيري من كل قلبي و يا رب اكون كنت على قد وعدي و كلمتي ليكي انى دايما في ضهرك و الحمد لله الدنيا دارت من أول و جديد و تكسري الدنيا حفلة بعد حفلة وخلاص أهو الالبوم على أبواب ومتأكد إنه هينجح نجاح غير عادي'.

إيهاب صالح يتحدث عن نجاح شيرين عبد الوهاب

وعن نجاح شيرين عبد الوهاب، قال إيهاب صالح: 'فرحان بشكل ملوش وصف بنجاحك و رجوعك بالقوي دي و ده إللي اتعودنا علية منك طول السنين دي. أنا كدة كدة دايما موجود زي مانتي عارفة و ربنا يديم كل أللى بينا على خير و أسف لو في أي لحظة كنت قصرت معاكي باي شكل'.

واختتم حديثه، وقال: 'أحب اشكر كمان جمهورك اكيد إللي مشوفتش منوا غير كل خير و حب ، شكرا بجد من كل قلبي. طبعا و أكيد شكر كبير لسيادة المستشار تركي ال الشيخ (أبو ناصر) على كم الدعم الكبير منو، بمجرد إنه شاف صورة رجوعك للاستوديو و قد إيه كان مهتم بشيرين و مقدر قيمتك و تقديرك بشكل يليق بيكي صوت احساس العرب و ده مش غريب عليه و دايما في ضهر كل الفنانين العرب كدة كدة. دي شهادة حق لازم تتقال، ربنا دايما يحبب فيكي خلقه و يبعد عنك أي شر بكل أشكاله و يكتبلك السعادة . أتمنى التوفيق لمديرين الأعمال الجايين و ادعمهم دايما بأي شكل أكيد عشان تفضلي دايما علي القمة'.

10 صور من حفل شيرين عبد الوهاب في السعودية

شيرين عبد الوهاب تبدأ حفلها بأغنية على بالي وتكشف مفاجأة تجمعها بحسام حبيب

الظهور الأول لـ شيرين عبد الوهاب قبل حفلها في جدة.. وحسام حبيب يدعمها