مدير أعمال كريم عبدالعزيز عن انتقادات فيلم المشروع x: حملة ممنهجة مكشوفة من فنان

علق عبدالجليل حسن مدير أعمال الفنان كريم عبدالعزيز، على انتقادات فيلم المشروع x، الذي يُعرض حاليًا بالسينمات.

وكتب مدير أعمال كريم عبدالعزيز في منشور عبر حسابه الشخصي بموقع فيس بوك: «الحملة الممنهجة اللي بتقوم بيها لجان أحد الأشخاص اللي بيعمل كل حاجة في الحياة لوحده وشايف نفسه بيعرف يعمل كل حاجة من تأليف وإخراج وتمثيل و… و… إلخ ضد النجم الكبير حملة مكشوفة وفيك أوي».

مدير أعمال كريم عبدالعزيز يعلق على انتقادات فيلم المشروع x

وتابع عبدالجليل حسن: «لو هتقارن نفسك بإيرادات النجم ده يابني قدامك 100 سنة ضوئية علشان توصل له الأفلام والمسلسلات اللي عملها تقعد تفكر فيها 100 سنة كمان علشان تنجح نفس نجاحاته.. وعمومًا أحب أعرفك إن حب الناس عمره ما كان باللجان وشغل السوشيال المضروب».

واستكمل: «يابني من أحبه ربه حبب فيه خلقه والنجم ده ربنا بيحبه ومحبب فيه خلقه.. فلم ذبابك الإلكتروني ده لأنك مش هتعرف تاخد حب وجماهيرية النجم ده ولا حتى تقارن نفسك بيه لأن أصلا مفيش مقارنة.. ومعلش أصل النجاح وإيرادات المشروع x بتوجع قوي».

تصريحات مدير أعمال كريم عبدالعزيز

واختتم: «أرجع يا بني للتاريخ هتلاقي أعلي إيرادات في تاريخ السينما المصرية باسم النجم.. أجمل أفلام خلال الـ 10 سنين اللي فاتت برضه النجم الكبير كريم عبدالعزيز.. اللي من الواضح جدًا أن مخلي ناس كتير تعبانة نفسيًا وبتحاول تختلق أي كلام وبس المرة دي من غير أسماء.. المرة الجاية بالأسماء وصفحات لجانك اللي طالقها ومريديك.. وإن عدتم.. عدنا».