مراد مكرم: الأكلة الأهم في حياتي هو طبق الفول بالزيت الحار.. وكان بيحصلي مشاكل في القلب

كشف الفنان مراد مكرم كواليس بدايته الفنية ودخوله عالم التمثيل، وكذلك عدد من أسرار حياته الشخصية وعلاقته بزوجته.

مراد مكرم يتحدث عن بدايته

وقال مراد مكرم في تصريحات تلفزيونية عن بدايته: 'بدايتي كانت في المسرح وأول مرة أمثل كان مسرحيتين فرنساوي والمسرح مسولية كبيرة جدًا وأقل صدى وعائد مادي وهو اكتر حاجة بتاخد وقت وأنا بحب المسرح، ولسه مجاليش مسرحية تخليني اتفرغلها'.

وتابع: 'أنا صغير كنت عايز أبقى ممثل ومغني وتقديم البرامج جه بالصدفة وصديقة ليا كلمتني وروحنا قدمنا وعمري ما كنت عايز ابقى مذيع'.

واستكمل مراد مكرم حديثه وقال: 'بس المذيع أنت بتدخل بيوت الناس بشخصيتك وفي التمثيل بشخصية اللي بتقدمه والمغني بالكلمات الي بتأديها، ومش بتعرف الممثل ولا المغني شخصيته الحقيقية إيه، والمذيع أقرب للناس شوية وحبيتها ، لكن لو هختار حاجة واحدة هختار أكمل ممثل لأنه كان حلمي'.

تصريحات مراد مكرم

وأضاف مراد مكرم خلال لقاءه: 'كان بيحصلي مشاكل في القلب وبصحى من النوم بضربات قلب غير منتظمة وجيراني اللي وقفوا جنبي وكانوا بيروحوا معايا المستشفى وشايلهم الجميل فوق راسي لأنهم اتمرمطوا معايا'.

أما عن زوجته، فقال مراد مكرم: 'هي عشرة السنين والتعب وهي الأسرة والاصدقاء وهي ست جدعة، وهي كزوجة استحملت حاجات كتير لغاية ما وصلنا للي أنا فيه'.

وتحدث أيضًا أكلاته المفضلة، وقال: 'الأكلة الأهم في حياتي هو طبق الفول بالزيت الحار والطعمية ودي أكلة بالدنيا كلها بالنسبالي، وأنا بعرف اكل بس مش بعرف اطبخ'.