مريم نعوم تكشف سر اختيار اسم مسلسل لام شمسية

تحدثت السيناريست مريم نعوم عن كواليس التحضير والعمل على مسلسل لام شمسية، الذي انطلق عرضه في النصف الثاني من شهر رمضان 2025.

قالت مريم نعوم عبر تصريحات تلفزيونية إن مشروع مسلسل لام شمسية بدأ منذ عام 2019، بفكرة كانت نتيجة مخاوف وأحاديث من المحيط المجتمعي عن هذا الموضوع.

وتابعت: 'في مصر نحن أغلبنا تعرضنا للتحرش، بصورة أو بأخرى، سواء لفظي أو فعلي، من حاجات فاكرينها حاجات ناسيينها، حتى الأرقام مفزعة تجاه الناس اللي تعرضت للتحرش وأنا بحس إن الرجالة عليهم ضغوط رهيبة، لأن الراجل بيتقال له أنت مينفعش تعيّط، أنت مينفعش تعبّر عن مشاعرك، وبالتالي أنت مينفعش إنك تقول إنك تعرضت لحاجة زي دي، لأنها هتتاخد عليك، بس المرأة هيتم التعامل معها على أنها ضحية'.

واستكملت مريم نعوم: 'في مسلسل لام شمسية تحديدًا الهدف إن الناس تسمع أولادها، دا هدف مهم جداً، وهل نحن فعلاً بنسمع أولادنا، هل إحنا فعلًا كمجتمع بندّيهم الأمان إنه يقولوا أي حاجة بدون الخوف والعقاب'.

واختتمت: 'إحنا تربينا عكس كده، كل حاجة غلط، كل حاجة عيب وحرام، لأ ما تقولش ده، لأ ميصحّش كده، طب هنوعيهم إزاي؟، أما اسم لام شمسية يعبر عن الغير منطوق، يعني المشكلة موجودة لكن غير منطوقة'.

مسلسل لام شمسية