مسلسلات رمضان 2025.. مي عمر تخضع لدروس رقص بسبب مسلسل إش إش

كشفت الفنانة مي عمر كواليس التحضير لمسلسل إش إش، المقرر أن تنافس به ضمن موسم مسلسلات رمضان 2025.

قالت مي عمر عبر تصريحات تلفزيونية: «المسلسل مختلف أوي.. مش شبه أي حاجة عملتها قبل كده.. السنة اللي فاتت كانت شخصية مختلفة أوي عني، شخصية المحامية».

مي عمر مسلسل إش إش

وتابعت: «والسنة دي حبيت أعمل شخصية مختلفة خالص اللي هي شخصية إش إش، بندخل جوا حياة الراقصات، دايمًا بنشوفهم من برا ومش كتير بندخل جوا حياتهم بالذات الشخصية اللي أنا بقدمها هي مش رقاصة معروفة هي بتشتغل في أفراح شعبية فبتشوفي بيتها وعيلتها عاملين إزاي وإيه معاناتها».

واستكملت مي عمر: «أنا أخدت دروس رقص كتيرة أوي أوي قبل المسلسل وهي كانت شخصية متعبة أوي أوي، ومش خايفة من انتقادات الناس لأن مش هينفع كل مرة تقدمي نفس الشخصية، الدور ده أتقدم كتير بس على حسب التناول، وإحنا عندنا قصة اجتماعية جوا المسلسل مش في كباريه».

أبطال مسلسل إش إش

يشارك مي عمر في بطولة مسلسل إش إش كلًا من محمد الشرنوبي، هالة صدقي، وانتصار، وماجد المصري، ودينا، وطارق النهري، وسيماء سيف، إدوارد، وعصام السقا وآخرين، والعمل من تأليف وإخراج محمد سامي.