«مش ممثل».. مي عمر تثير الجدل بهجوم غامض على فنان بسبب التريند

أثارت الفنانة مي عمر ضجة واسعة وجدلًا كبيرًا خلال الساعات الماضية، بسبب منشور غامض تنتقد به فنان لم تذكر اسمه.

كتبت مي عمر في منشور عبر حسابها الشخصي بموقع فيس بوك: «زميل (مش ممثل)، وكنت بعتبره صديق، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد.. والبوست كان كله بقى: (الترند مش هدف الشغلانة) و (إحنا بنشتغل عشان الفن مش الأرقام)».

مي عمر تنتقد فنان

وتابعت: «كلام تنظير وفزلكة على أعلى مستوى.. وأنا ساعتها قلت مش هرد، وكنت سايبة الأيام تكشف.. عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس».

واستكملت مي عمر: «وفعلاً.. مكدبش خبر! أول ما مسلسله دخل التريند، بقى بيشارك فرحان إنه (رقم واحد).. الله! هو الترند كان وحش في رمضان وبقى جميل دلوقتي؟.. طبعًا أنا مش ضد إن أي حد يفرح بنجاحه.. بالعكس مبروك والله، ومن حقك تفرح وتشارك لأن ده تعبك ومجهودك».

تصريحات مي عمر

وأضافت: «بس ياريت نبطل المنظر بتاع: (أنا مختلف.. أنا فوق الترندات) وبعد كده أول ما نقرب منها نطير من الفرح وننشر 20 ستوري.. وأنا عارفة إن أي حد يعرفني كويس هيستغرب من كلامي، لأني عمري ما رديت على حد.. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟».

واختتمت مي عمر: «في الآخر… الترند مش هدف.. غير لما يبقى معانا.. للتوضيح، كلامي مش موجّه لأي نجوم شاركوا في العمل بالعكس أنا بقدّرهم وبحترمهم علشان محدش يفهمني غلط».