"مش هخبي زي غيري".. سالي عبدالسلام تفجر مفاجأة عن طريقة خسارتها للوزن بعد الولادة

شاركت الإعلامية سالي عبدالسلام متابعيها وجمهورها، تجربتها مع خسارة الوزن بعد الولادة، وبعد مرورها باكتئاب حيث وصل وزنها إلى 110 كيلو.

ونشرت سالي عبدالسلام مقطع فيديو تكشف خلاله ما حدث معها، وكيف خسرت الوزن ووصلت إلى 76 كيلو، وذلك عبر حسابها الرسمي بموقع انستجرام.

وعلقت على الفيديو قائلة: "الناس بتقولي إزاي خسيتي ورجعتي تاني في وقت قصير كده؟ أكيد هقول ومش هخبي زي غيري ويمكن ده دوري إني أقول الحقيقة بس أول إجابة عندي هي من كتر التنمر والتريقة وخفة الدم اللي حصلت فيا وأنا حامل ده كان أكبر حافز عشان مكملش فى الاكتئاب بجد".

وأضافت سالي عبدالسلام: "لا أنا عارفة إن كان شكلي صعب أوي بس مكنتش عايزاهم يضايقوني أوي كده وأهم إنجاز إني رضعت طبيعي وهارون مدخلش حضانة الحمدلله وكملت لفترة واللي ساعدني الفيتامينات".

واستكملت: "مع أن اتقالي مش هترضعي طبيعي وربنا كرمني وعملت كل اللي عليا ربنا يعلم.. وفي نفس الوقت أول ما وقف إدرار اللبن كان لازم أظبط نفسي وأهم حاجة نفسيتي وكنت بعيط كل يوم.. مش هقولكم المياه والرياضة زى ناس أنا أخدت مونجارو".

وتابعت: "رحت عيادة وعلى فكرة لازم نظام غذائي ونوقف والسكر والنشويات عشان نخس ومنتعبش ويحصل مضاعفات ولو وقفنا فجأة نتخن لازم تتبطل بنظام.. يارب محدش يعدي بكل اللي أنا عديت بيه ومن فضلكم ادعولي كتير".