مش هسيبك .. خطيب البلوجر سارة يوجه رسالة مؤثرة لها بعد فقدان بصرها .. فيديو

ياسمين حمادة 01 مارس 2023 | 09:27 مساءً

وجه مصطفى خطيب البلوجر سارة رسالة مؤثرة لها لى الهواء، قائلًا: «إنتي عارفة إن والدتك مش بتحبني ونفسها إننا نبعد عن بعض».

رسالة مصطفى خطيب البلوجر سارة

واستكمل مصطفى رسالته إلى البلوجر سارة في لقائه ببرنامج «تفاصيل» مع الإعلامية نهال طايل على شاشة قناة صدى البلد، قائلًا: «وأنا هتجوزك ومش هسيبك إلا لما تكوني كويسة ويمكن ربنا فداني عشان أفضل جنبك».

حاول مصطفى الاتصال بخطيبته البلوجر سارة، لكنها لم ترد عليه، معلقًا: «والدتها قالت لوالدتي هعمل مجزرة لو جيتوا ونفسيتي وكرامتي مش هتخليني أقبل ده، عشان كدة مش عايز أكلم أهلها».

واستكمل كلامه قائلًا: «أنا بيعت شقتي لقدر الله لو احتجنا فلوس عشانها أو لعلاجها».

وتحدث مصطفى خطيب البلوجر سارة عن فترة انفصالهما قبل الحادث، قائلًا: «كنا مخطوبين وحصل انفصال بعد 3 شهور بسبب مشاكل الأهل».

انفصال البلوجر سارة وخطيبها مصطفى

قال مصطفى خطيب البلوجر سارة عن سبب انفصالهما: «مشاكل الأهل ووالدتها بتحطنا في مشاكل دايمًا، وبعرف أخبارها دايمًا من المقربين لها والسوشيال ميديا وصحابها».

وتابع مصطفى قائلًا: «سارة أكتر حاجة وجعاها إني مش جنبها وكل فترة أهلها بيكرهوهها فيا، وأنا كان ممكن أموت في ساعتها لأن الخرطوش كان ناحيتي».

كتب كتاب البلوجر سارة بعد إصابتها

وأشار مصطفى خطيب البلوجر سارة إلى أن والدها اشترط عليه أن يعقد قرانهما قبل أن يراها ويطمئن عليها، قائلًا: «طلب مننا أكتب عليها قبل ما أشوفها وأتطمن عليها.. الكلام ده بعدما خرجت من المستشفى بيومين».

وفيما يخص الحالة الصحية للبلوجر سارة، تابع قائلًا: «فيه أمل تشوف بعين واحدة لأنها أصيبت بشكل كبير في العين الأخرى، واللي جاي مش هسيبها وهفضل جنبها لحد ما نبقى مع بعض في بيت واحد، ولو رفضت سارة دلوقتي هيكون بسبب الضغط اللي عليها واللي حصل مش بإرادتها».