مصطفى بكري: المواطن مش محتاج المستحيل من الحكومة

أكد الإعلامي مصطفى بكري، أن المواطن المصري لا يطلب المستحيل من الحكومة، لكنه يحتاج إلى من يسمعه ويشعر بمشكلاته ومعاناته، متابعا: «المواطن مش طالب المستحيل، المواطن عايز حد يسمعه، ويخفف آلامه وأوجاعه، وعايز لما يروح مصلحة حكومية يحس إن فيه حد جاي يحل مشكلته، مش يفحمه مشكلة جديدة».

وأشار بكري خلال برنامج «حقائق وأسرار» على قناة «صدى البلد» إلى أن المصريين «عانوا كتير وصمتوا، وكانوا دايمًا منحازين لبلدهم»، مؤكدًا: «الناس دي بتحب مصر وتعشق ترابها، يزعلوا ويحتجوا ويصرخوا، لكن وقت الجد كلهم على قلب رجل واحد».

وأضاف مصطفى بكري: «المصريين استحملوا فاتورة الإصلاحات الاقتصادية وزيادة الأسعار، الشعب المصري يستحق وسام الصبر والصمود، خصوصا أن الناس تعبانة، والطبقة المتوسطة تآكلت، وأصبحنا أمام طبقتين، طبقة بقت بتكلمنا بالمليارات في الساحل الشمالي، وطبقة من الغلابة اللي يادوب بيستروا نفسهم».

وانتقد بكري بعض مظاهر الثراء التي تظهر عبر مواقع التواصل الاجتماعي، قائلًا: «ربنا يبارك لبتوع المليارات، بس يقولوا منين؟ لما واحد في 5 سنين من لا شيء إلى مليارات وعربيات وفيلل في الساحل، والبعض منهم قاعد يستفز الغلابة اللي مقضينها بالستر».

وواصل مصطفى بكري: «السوشيال ميديا حارقة دم الناس كلها، مناظر استفزازية وناس مش شبهنا، ناس مهمتها استفزازنا، شابة صغيرة تعوج لسانها وإنت بتكلمها وتقولك أنا بصرف في اليوم على الأقل 10 آلاف جنيه، ده مرتب موظف له 10 سنين في الشغل، مرتب مدرس جامعي طافح المرار في العلم والدراسة والأبحاث والتعليم».

وأكد بكري أن هناك مواطنين يعانون ظروفًا اقتصادية صعبة، قائلًا: «انزلوا للناس في القرى والنجوع والكفور، في المراكز والمدن، الناس عايشة بالكاد، بصوا لأصحاب المعاشات اللي أفنوا حياتهم من أجل البلد، كانوا شرفاء ومخلصين، أدوا عملهم بأمانة وإخلاص، ودفعوا فلوس التأمينات.