مصطفى بكري يطالب بإنشاء حساب في البنك المركزي للتبرع لسداد ديون مصر

أعلن المحامي محمد العمدة عن تبرعه بمليون جنيه للدولة؛ من أجل سداد ديون مصر، معلقا: سمعت المقترح ده من أحد النواب والفكرة عجبتني، لضرورة أن نقف جانب البلد، متسائلا: أومال مين هيقف جنبها بقى؟.

وتابع خلال مداخلة هاتفية مع الإعلامي مصطفى بكري ببرنامج حقائق وأسرار المذاع على قناة صدى البلد: لازم احنا يبقى عندنا دافع قوي إننا نقف جنب بلدنا ونقدر نساعد، والمطلوب من القادرين اللي معاهم فائض، ومش مهم المليون جنيه يعني، ممكن 500 ألف، واللي يقدر يتبرع بيه أي حد يقف جنب البلد يقف جنبها.

وأضاف العمدة قائلا: عندي استعداد أكون أول واحد أتبرع، بالرغم إني مش رجل أعمال ولا حاجة، بس عندي استعداد إني أتبرع بمبلغ مليون جنيه، أول واحد يتبرع، ولابد من عمل تصور للموضوع، وأقترح إن رئاسة الجمهورية هي اللي تبقى مشرفة على الموضوع ده وعلى الحساب.

واختتم المحامي قائلا: تخيل حضرتك لو 3 مليون واحد في مصر من رجال الأعمال، عندنا رجال أعمال فوق التلاتةمليون، لو 3 مليون في مليون جنيه هنلم 60 مليار دولار، يسددوا عننا جزء كبير من المديونية.

بدوره، علق الإعلامي مصطفى بكري قائلا: أتمنى من الدولة عمل حساب في البنك المركزي لكل من يريد التبرع للدولة، وأناشد الدولة التحرك في هذا الأمر، وأشكر النائب محمد سمير بلتاجي عضو مجلس النواب، على هذه الدعوة المطلوبة والتي جائت في وقتها.