مصطفى بكري: المواطن عايز الستر.. وفيه ناس بتطلع ولادها من المدارس عشان أسعار المواصلات.. فيديو

ناشد الإعلامي مصطفى بكري، الرئيس عبد الفتاح السيسي، بإجراء تعديل وزاري قائلا «يا سيادة الرئيس ملكش غير الشارع بس الناس زعلانة».

وقال مصطفى بكري برنامج «حقائق وأسرار» على قناة صدى البلد  «لا يليق ألا بالجمهورية الجديدة أن نستمر عاما بدون وزير الصحة، فاهمين حبك للبلد يا سيادة الرئيس لكن هذه الإجراءات ضرورية ومهمة، محدش هيعدل على سيادتك لكن الناس بتعاني وتعبانة، مش عايزين نوصل للنقطة اللي بلادنا تكون فيها في خطر».

وتابع «المواطن عايز الستر، الكهرباء والمياه تخف على كاهل الناس، اللقمة اللي بناكلها تبقى بسعر كويس، المواصلات تبقى بسعر كويس، فيه ناس بتطلع ولادها من المدارس عشان أسعار المواصلات، الشعب المصري شعب عظيم، والقيادة المصرية واعية، إحنا اللي جبناها وعارفين إن لديها القدرة والإيمان، عايزين 100 ألف واحد بنفس عقلية قيادتنا».

وواصل مصطفى بكري  «الشعب المصري يأن من أزمات كثيرة لكن في النهاية عنده أمل، مش هنسمع الكذابين والمزايدين، لدينا مؤسسات دولة قوية وواعية، شوفوا المخابرات العامة إزاي حلت مشكلة غزة».

ووجه سؤالا إلى الخارجية المصرية «إزاي دولة قطر استضافت كل فضائل تشاد عشان تحل مشكلتهم وهي دولة جنبنا».