مصطفى حدوتة: أنا مش مغرور ولو غنيت لازم أكون عمرو دياب

رد الشاعر مصطفى حدوتة على اتهامه بالغرور، وتحدث عن نجاح أغنيته مع رامي صبري ومشاركته في ألبوم تامر حسني.

قال مصطفى حدوتة في لقائه مع الإعلامية شيرين سليمان ببرنامج سبوت لايت، على قناة صدى البلد: «أنا معنديش ego أنا مش مغرور أنا شخص عارف قيمة نفسه وقيمة اللي بقدمه وقدراتي».

وتابع: «أنا الشاعر الوحيد اللي موجود دلوقتي بيعرف يعمل أغاني لكل الأشكال والأذواق وحتى هكتب راب لأول مرة مع مغني راب معروف وعملت مهرجانات وبوب ودراما وكل حاجة».

وأشار إلى أن أغنية رامي صبري لفيلم الكلام على إيه، استخدمها مليون و300 ألف شخص، مضيفًا: «ده رقم كبير أوي على الوقت اللي نزلت فيه الأغنية والألبوم كله لم يحقق المشاهدات ولو كنت قدمت أغنية كنت هقدم أنجح أغنية في الألبوم وده مش غرور دي ثقة وده حصل في ألبوم عمرو دياب ونانسي عجرم السنة اللي فاتت».

وعن أغنية مولعينها مع تامر حسني، قال: «الأغنية الوحيدة المختلفة في ألبومه وأغنية صيفية وعلى آخر الصيف هتكسر الدنيا».

وأوضح أنه يحضر حاليًا لموسم الشتاء ورأس السنة، مختتمًا حديثه بموقفه من الاتجاه للغناء: «معنديش ملكة الغناء أو أكون رقم 90 لازم لما أغني أكون عمرو دياب وعارف لو غنيت مش هكون عمرو دياب فمش هغني كفاية عليا إني مصطفى حدوتة».